LE PRIME ALPHABETO Precipitios de petra de calce se leva al latere de un cammino de caravana in Egypto. In lor umbra, bandas vagabunde de mercenarios campava circa 4.000 annos in le passato. Durante que le soldatos viagiava, illes pausava de gravar lor nomines e preces in le petra. Le antique scripturas de iste gentes qui parlava un lingua semitic e qui luctava in le servicio de Egypto ha ora recipite plus interesse que lor scriptores poteva haber imaginate. Iste anno, egyptologo John Darnell del Universitate Yale identificava le symbolos como le plus antique alphabeto phonetic cognoscite, un progenitor de nostre proprie symbolos roman. Le evidentia decifrate per Darnell revela le origines del systema alphabetic in que un symbolo corresponde a un sono in un lingua. In contrasto le systema hieroglypic del egyptianos esseva extrememente difficile de apprender, proque illo habeva 700 symbolos, cata un de que habeva plus que un significantia o representava gruppos de sonos. In loco, lo que disseminava per le campos, Darnell opina, esseva un stenographia de circa 30 characteres, combinate insimil per viagiatores exigente un media de communicar que pote esser apprendite in alcun pauc horas. Le vagabundos apprendeva de scriber justo como filios ancora lo face hodie, per sonar le parolas e scriber le characteres pro le sonos. Traducite per Stan Mulaik de un articulo in Discover, januario 2001.