In le anno passate, le governator del stato de Illinois (un membro del partito Republican) ha declarate un moratario de executiones. Le governator, qui dice que ille es a favor del pena capital, ha agite perque, in le mesme tempo in le qual 11 personas ha essite exequite in Illinois, 12 ha essite liberate perque lor innocentia ha essite provate. Iste statistic ha recipite multe publicitate post le liberation de un prisionero cuje innocentia era provate, non per le policia, ni le systema penal, ni le advocatos de defensa, ma per un classe de studentes de jornalismo--duo dies ante le execution era intendite. Ma, incredibilimente, in le semana passate, un judice del corte supreme del stato de Illinois ha dicite que le moratorio non es legal--e que le problaema con le pena de morte non es que personas innocente pote esser occidite, ma que le prisioneros debe esser exequite plus rapidemente, sin passar multe tempore in le prision. Obviemente, si le prisionero liberate in le caso que causate le moratorio ha passate solmente duo dies minus ante le execution, ille seria morte hodie, assassinate per le governamento. E io ha difficultate in creder que, si le innocentia de 12 prisioneros in casos capital in Illinois ha essite provate, le stato nunquam ha occidite personas innocente. Ma mi pais un de quatro in le mundo que face le plus grande numero de executiones (le alteres son China, Iran, e Saudi Arabia), e su presidente Bill Clinton (qui etiam es a favor del pena capital) ha le audacitate de proclamar se le guardiano del directos human in le mundo! Tristemente, -Julio