In anglese "homepage" es un metaphora, e esseva usate per le creatores de programmas de hypertexto. Illo es un "loco de origine, como diceva Ensjo. Si le metaphora es comprensibile internationalmente (e io crede que illo es), alora nos ha alcun justification in usar "pagina de casa" o le anglese "homepage" que es jam international. Mesmo "pagina intial" o "pagina principal" es adequate, a mi aviso. Nos debe attender al usage disveloppante in le linguas a base ante finalizar un solution, proque multe linguas, post reciper un parola de un altere lingua, va crear o traductiones a calco, o nove expressiones pro reimplaciar le parola extranee. In le interim, proque "homepage" e "pagina de casa" es international, nos pote usar los. Io nota que le francese "page personnelle" esseva un essayo a reimplaciar un parola anglese con un francese, mais io crede que le traduction non es exacte. In multe casos le "homepage" non es personal mais corporate o institutional, e es realmente le pagina initial o principal de un sito in le web. Le concepto de "home" = casa es super un loco de origine in iste caso. Stan Mulaik