Kjell es correcte: un effecto del medios massives (que habe le prime motivo non de informar, ma de maximar su audientia per vender advertimentos) es que cosas rares e horribiles son le subjectos de "noticias" e personas pensan que illos son frequentes. Le facto que io, in Nove York Citate, ha legite (in le noticias, e non solmente in INTERLNG) de un persona fusilate in Texas, plus de 2,000 kilometros distante, demonstra que iste es un cosa rar (il habe al minimo 100,000,000 personas plus proxime a me quam le residentes de Ft Worth). Ma iste caso in Texas es rar e es in le noticias per causa de su peculiaritate (un puero tirate per usar linguage per signos) e non perque poco personas son fusilate in le USA, un nation in qual plus de 20,000 personas son assassinate per fusiles annualmente. Dunque, Leo etiam es correcte: le situation es un disgratia, e le opposition al controllo de armas a foco del National Rifle Association ["rifle"=fusil in anglese] e su presidente, le actor famosa Charlton Heston, es considerate abominabile per le majoritate de personas statounitense. --Julio Dobkin Leo Caesius ha scribite: > Heri, io ha audite novas de un evento vermente discustose. Un homine ha fusilate duo infantes surde, sin provocation. Ille ha pensate que lor pertineva a un gang (proque lor mimicava linguage per signos); sin alicun question, ille ha discargate su fusil e ha ferite un infante in su pectore. Ora ille es in le hospitale ma su condition es fortunatemente stabile. Kjell ha scribite: > Nostre radio national tranmitteva un programma in re iste association que es contra le controllo de armas a foco. Un question que io me ha facite es: In quanto es iste frequente uso de armas un effecto del pictura del societate livrate per le medios massive?