Car Amicas e Amicos, que es le 'latino vulgata' que io lege in le message 213 per Allan Kiviaho? Forsan illo es le latino vulgar, con le uso per Allan de un termino: 'vulgata' posterior de plus de qualque centenas de annos ab illo 'vulgar'. Le latino vulgar era illo que, in altere message, Stan Mulaik propone magistralmente con le expression: "Le Latino non es vermente neutre. Le Latino esseva un lingua de oppression, non solmente per le soldatos de Roma, mais per le pastores de Roma. (Io exaggera pro effecto)." In effecto nos ha multe textos latin, antea le latino vulgata que es tarde latino (III seculo), o anque latino ecclesiastic del XVI seculo, ma on se pone le problema de como, o de qui, usava le latino 'classic' ante Christo. Pro intender nos, le latino que nos pote leger hodie con le quantitate del vocales; in altere parolas con le 'durata' del lor articulation. Stam, io crede, usa le termino oppression, como 'uso extranee' a illo quotidian del latinos, in general, esserea illes soldatos, o pastores, como cives del populo. Le dialectos e postea le linguas romance nasceva lentemente multo antea de cello qui nos pensa. Forsan ab le mesme origine del latino, o ab su enorme expansion in le territorio. Le latino in le actual Veneto jam trovava le lingua venetic, scribite e parlate. Pro le populo, o le uso quotidian, le linguas se fundeva e nasceva le latino local, como dicer le dialectos, antea le italiano, que non ha hodie un complete unitate. In le etymologia italian on trova antea le etymologia dialectal que es vastissime e surprendentemente latin. Le latino ha essite un lingua commun, de passage, forsan con le mesme function del actual anglese, que es latino al minus a 70%! Como le latino ha essite lingua docte pro un minoritate que lo usava usque al 1700 circa. Illo era le lingua in le qual on celebrava le missa quando io era puero e in iste caso illo non era un lingua de unitate. Illo era un acto de devotion! Ciao, Mario Mario Malaguti mailto:[log in to unmask] Strada Bibano, 9 - 31100 Treviso (Italy) tel. (+39) 0422 420790 - fax (+39) 0422 420789 http://members.xoom.com/Oncle_Mario