Car amicos!
Como regularmente le sequente chat de / in interlingua occurera sabbato (deman!). Ma isto es un occasion extraordinari, proque iste die essera le die del anno nove; le prime de januaro 2005!
Io pensa, que in contra del vigilia de Silvestro le majoritate de vos essera a casa (mesmo ja habente reposate se del ultime divertimento de Silvestro... :) ); dunque vos potera participar plus, que in occasiones "ordinari".
Dunque le chat occurera post le 20e hora secundo le tempore de Europa Central del hiberno (19 h UTC / GMT) al canal #interlingua del servitor Discussioni.
Per favor inviar iste message o le information a coollist!
Per favor inviar iste message al listas national de interlingua (interlingua Italia, interlingua_ger, le lista polonese, etc.), proque io non ha accesso a illos, e pote esser, que il ha alicun interlinguistas, que non son membros de iste lista INTERLNG, assi illes non poterea esser informate super le dato del chat.
Le accesso al chat ha tres manieras, selige lo, que es le plus amate o plus simple pro te (o simplemente, que functiona a te... :)) )!
1) Vade al sito official de interlingua http://www.interlingua.com (le
ligamin immediate es: http://www.interlingua.com/practica.htm#irc ), e
solmente seque le instructiones.
2) a) Vade al sito: http://www.discussioni.org/cgi/irc.cgi , b) scribe in
le quadretto "nickname" tu proprie pseudonymo in vice del nomine
apparente, c) substitue le nomine del camera, le qual appare
automaticamente in le quadretto "channel" al #interlingua (per favor non
oblidar le signo #), e d) postea solmente clicca al button "Login"! E tu
post momentos trovara te in le camera del chat de interlingua!
3) a) Usa un cliente de IRC (p. ex. le programma mIRC, etc.), b) selige le
server irc.discussioni.org (del lista del programma, o per le ordine
de irc: /server irc.discussioni.org ) c) selige le camera de interlingua,
( #interlingua) secundo le maniera determinate per tu programma, o per un ordine de IRC: /join
#interlingua .
A revider, a rescriber deman, in sabbato post le 19e hora secundo le tempore universal (20e hora secundo le calculation de tempore centro-europee)!
Si alicuno de vos, qui legeva iste message totevia non participara iste occasion de chat, io la/le desira un multo felice anno nove e successos in interlingua!
Amicalmente:
KOVA'CS Pe'ter
|
