Jay Bowks wrote:

> Forsan le question de haber un bandiera que
> representa le differente interprissas que usa
> interlingua e non inventar un bandiera pro un
> lingua. On non vide un bandiera pro espaniol,
> o francese, portugese, italiano, o anglese etc. (...)

Isto non es assi simple. Nos usa un bandiera britannic o
american pro indicar in un boteca etc. que on pote parlar
le anglese ibi, in le mesme maniera on nota per un flaga
svedese que svedese es parlate, ma svedese es etiam lingua
minoritate in Finlandia, tanto como il ha un minoritate
svedophone in Svedia. Nonobstante le flaga significa le
lingua del majoritate del pais.

Si nos suppone que ego ha un negotio e ego vole indicar
que ibi on pote parlar interlingua, debe ego tunc usar le
bandiera o logo de UMI, forsan ego detesta UMI (solo pro
le rationamento theoretic). Le idea que on non pote haber
un symbolo pro interlingua es - in mi opinion - falta de
fantasia. Que on signa un corporation o un specific
organisation non lo face plus facile. Si on non solo vole
haber un bandiera ubi il scribe _INTERLINGUA_ on pote
tanto ben haber un symbolo que indica le lingua illo
collige personas qui parla interlingua e nihil plus.

Le bon cosa con un lingua auxiliar international es justo
isto que illo _non_ determina nos de un fidelitate quasi
biologic como nostre proprie linguas matre.

Lassa nos - solo pro le discussion - supponer que ego es
le objecto de tal injurias del latere de un fracassante
majoritate del svedeses que ego fugi le pais e face mi
domicilio in un altere pais, promittente solemnemente que
ego nunquam plus va usar un sol parola svedese, ego
nonobstante es svedese, e solo si ego es minus 12 annos
pote ego vermente cambiar le nationalitate o ethnicitate.

Un bandiera pro interlingua significa solmente iste
lingua. Interlingua es acquirite e non pote formar un
nation del qual nos es dependente, nolens volens. Quando
il basta con interlingua, nos pote relativmente
facilemente cambiar nostre affiliationes. Interlingua es
nostre vehiculo pro le communication international tanto
longe que isto nos sembla rational.

Le bandiera de interlingua indica solmente "Ci tu pote
usar interlingua, si il te place."

Cellus