Car Mario e Car Ensjo...
Al leger vostre excambio ultime io
de necessitate personal ha le
sentimento de mentionar que
io non gusta de vider differentias
que pote crear divisiones... Ma...

Le differentias alsi pote esser un
nove fortia pro le avantiamento del
lingua belle e international. Nos
necessita le differentias. Nos
necessita le differente opiniones.
Il non es un occasion como haber
duo capitanos al mesme barco :-)
Hic cata uno debe esser capitano
del sue proprie effortio. Adjutate,
conseliate, e incoragiate pro le
bon e amical sentimentos del alteres.
Nonne?

Ensjo, il me pare que tu offereva
tu consilio con senso amical...

E Mario, io comprende tu necessitate
pro expander e promulgar le publicitate
pro le belle lingua international, nostre
amate Interlingua. Nonne?

Cata uno de nos ha differente formas
de expressar nos. Cata uno de nos ha
differente formas de facer cosas. Lo
importante es poter avantiar le causa
de Interlingua.

Io debe admitter que io ha inviate
messages a varie listas alcun de
plus de mille personas pro informar
los del belle lingua... ma io lo faceva
como un demanda de adjuta pro
recercas... non publicitate.  E io
recipeva multe responsas negative
ma multe alsi affirmative. Ma de
vice a vice on pote trovar alcun
persona que vole continuar con
le interlingua e facer se membro
del INTERLNG.

Io alsi debe admitter que il es
bon cosa irritar un esperantista
de vice a vice. :-) Si, como al
famose Rik Dalton, ma in un
spirito amical e non bellicose.
De vice a vice io invia un message
a Rik pro saper como va su
salute e como seque su vita.
Ille nunquam essera un interlinguista
ma poter differer e poter conviver
es bonissime cosa.

Memora tu Edmundo in Grande
Britannia, Ensjo? Alcun esperantistas
nunquam essera aperte a discussiones
le qual mentiona le nomine de nostre
belle lingua international. Que penna
pro illes.

Mario si tu vole considerar le consilio
de Ensjo como amical adjuta il esserea
bon, proque Ensjo ha multo annos de
devotion a nostre Interlingua! E tu alsi
tu demonstra multe fervor pro le belle
lingua, nonne ver? Claro que si.

Le lista in le Projecto Auxilingua include
multe personas. Alcunos non ha interesse
in Interlingua, o mesmo in Esperanto... e
illos se interessa in linguas artistic, o
alcun altere linguas constructe. Multe de
illos se interessa in su proprie projectos
o in alteres como Glosa, Lojban etc.

Si le D.H. era vermente Don Harlow...
Ille es ben consciente de Interlingua.
Io ha excambiate un multitude de
messages con ille. Ille comprende
mi messages in Interlingua ben io
crede. E io alsi le inviava notas in
Esperanto pro continuar un excambio
de punctos de vista. O pro clarificar
alcun puncto de grammatica del
Esperanto, le qual non es tanto
facile pro apprender como nostre
belle lingua.

Supertoto io crede que il es bon
inviar messages a qualqunque
poterea esser remotemente interessate.
Si, il es plus que importante, il es
un necessitate! Lo importante es
poner le lingua belle in le vista del
personas. Illes formara qual opinion
illes vole. Action es sempre melior
que non-action. Ma como theorisava
le vetule scientificos... Il es pro le
motion de corpores que chocca un
con le alteres que pote occurrer
cosas interessantes. Il es pro medio
de intercambios que se comprende
le gente. Il es importante continuar
a demandar attention, (a irritar si illo
es necessari), a fomentar interesse
quandoqunque illo es possibile.
Ma sempre in un spirito amical...

in le qual io scribe iste message.

Como sempre vostre amico e
servitor:
Jay B.
-----Original Message-----
From: Mario Malaguti <[log in to unmask]>
To: [log in to unmask] <[log in to unmask]>
Date: Sunday, July 18, 1999 11:53 AM
Subject: Esser caute.


>Car Emerson, Amicas e Amicos,
>
>como sera iste missa a Focs,ani? Esque tu recipera le "ordine" de decapitar
>me etiam ab le Interlng? In le quartiero ubi io ha mi bureau in le 1200
>operava le carnifice.
>Esser caute. Nos es caute ab le 1951 e in Europa ab le 1955. Io (1940) era
>in illo annos un garson malitiose, obstinate pro le feminas e qui odiava le
>francese e le latino e io habeva jam studiate, in le 1955, novem annos de
>italiano, quatro de latino, duo de francese. Mi problema era que io era
>venetic de Treviso e que mi lingua matre era le trevisan. Si io alora
>haberea incontrate interlingua, io me serea inamorate de illo, como ora io
>lo ama.
>Io ha comenciate a appreciar le italiano in le 1956 e jammais le francese e
>postea le anglese, etsi io ha studiate iste duo linguas pro litteratura,
>historia, geographia, economia e, obviemente, correspondentia commercial,
>sempre sin jammais vocabularios, perque nos debeva, como pro le De Bello
>Gallico, apprender toto de memoria. Isto era mi ver irritation. Le listas
>de vocabulos de memorar, plus de 9000 al minimo in quatro, cinque annos,
>pro cata lingua. Le verbos irregular, le casos, le syntaxes.
>Io pensava de imbarcar me como puero adjuvante.
>Esser caute. Io me ha dissociate ab le UMI e ha renunciate al Association
>Italia pro Interlingua, perque io es caute, in le senso que io me cognosce
>e io, depost un vita de continue decisiones omne sancte momento, io non
>tolera illes qui non sape prender immediate decisiones. Io debe tener me
>distante ab illes qui es 'indecise'.
>Cautemente io ora es foras e io non obliga plus le UMI, o un association
>national.
>Ora io es sol Mario Malaguti, in eterne lucta con un lingua, pro apprender
>lo ben. Iste vice illo es interlingua e io vole simplemente dedicar me a
>scriber in interlingua a tempore plen.
>Ora pro me il es como si io es jam pensionario, etiam si io debe attender
>le prime de julio 2000.
>Omne die io recipe e-posta que io non ha rogate e io ha duo stratas: o io
>dele, o io invia 'unsubscribe'.
>Io inviara le I-GI, Interlingua Gazetta International a un numero sempre
>plus grande de adresses de e-posta. Forsan io partira de 500 adresses,
>forsan plus, ma io lo augmentara sempre plus.
>Contemporaneemente io cercara sponsores pro le paginas que io divulgara in
>interrete con omne numero del folio IGI, con cura pro le ligamines e le
>indices.
>Assi on trovara multo material interlingua e in le interrete io habera
>sempre le possibilitate de corriger mi ancora grande insecuritate con iste
>meraviliose lingua.
>Ancora, io curara le ligamines a un glossario pro le terminos italian e
>anglese que non es assi immediate pro un lector italiano e uno qui in tote
>le mundo cognosce le anglese.
>Le anglese es le grande alliato de interlingua e io mira al italianisation,
>o latinisation, de iste duo linguas.
>Esser caute. Il es difficile pro me, Emerson. Io offerera sempre le
>possibilitate de 'unsubscibe' e isto es un acto de cortesia que es
>sufficiente.
>Que dicer de isto: "Saluton, Mario! Mi skribas esperante, mi ne scias
>interlingua-n. Tamen, mi, nature, estas interesata kaj dankos al vi, se vi
>sendos materialon. Koraj salutoj, kaj gxis la reskribo."? Ab Asia minor.
>Forsan esperanto es como interlingua? Io ha le presumption de comprender
lo.
>In mi lista de adresses io includera tote partitos e homines politic que io
>potera adir e tote titulos jornalistic que io potera cognoscer.  De tote le
>mundo, obviemente. Le material que io publicara sera sempre disponibile pro
>esser utilisate pro scopos licite e pro le diffusion de interlingua.
>Esser caute. Io debe crear le bases proque le capital e le consumitores se
>interessa al Academia International pro Interlingua con un sede prestigiose
>a Venetia, si isto sera possibile, e su Instituto Universitari, forsan a
>Treviso.
>Esser caute. Il es un problema con iste ideas folle. Io sera un loyal
>competitor del UMI, perque io ha vivite in le competition inter homines
>professional ab plus de 30 annos e a iste etate on non pote cambiar, ni io
>pote esser minus efficiente. Non pro un veneto, securmente.
>Vide a Focs,ani si tu trova labor ab le Veneto in Romania.
>Hic on parla de 6000 interprenditores sol de mi Treviso.
>Vole ben portar al conclave, car Emerson.
>
>Ciao,
>
>Mario
>
>Mario Malaguti
>mailto:[log in to unmask]
>Strada Bibano, 9 - 31100 Treviso (Italy)
>tel. (+39) 0422 420790 - fax (+39) 0422 420789
>http://www.i-gi.com
>http://www.telegrupigi.com
>http://www.affresco.com
>http://millennium.fortunecity.com/zebedee/682
>http://members.xoom.com/Oncle_Mario
>http://digilander.iol.it/oncleab
>
>Lista de Roma:
>http://www.agora.it/M.Malaguti
>Invia tu messages al lista de Roma:
>mailto:[log in to unmask]
>