Quanto al color suffocante nos ha habite temperaturas circum 10 a 5 grados
(in le die - e illo es longe ci!) e nonobstante le facto que un calor
suffocante non es agradabile, io non poterea emotionalmente comprender
isto. Lentemente le temperatura se jecta al alto!

Mesmo si on es atheista on non pote lassar lo que on ha apprendite, in le
mesme maniera que on non oblida un lingua proque on apprende un altere, de
plus que tote le biblia e su implicationes es nolens volens parte de nostre
hereditage cultural.

Io cognosce atheistas qui se organisa e quasi face un religion atheistic -
un cosa que io nunquam ha comprendite.

Io sequeva ante alcun anno un gruppo de notitias de atheistas. (Io crede
que io mesmo scribeva un message - in interlingua, se comprende ;-) - a
illo. Ma isto era multo interessante del puncto de vista que in le gruppos
atheista scribeva personas religiose qui voleva persuader le atheistas, que
lor fide - o plus tosto carentia de fide - es incorrecte! In le gruppos del
religioses il era personas qui voleva dissuader le religioses de lor fide.

Un altere cosa era que le atheistas in le gruppo (dominate de personas del
Statos Unite) era multo plus militante que le atheistas que io ha
incontrate ci in Svedia. Io crede que unquam io discuteva iso in interlng
pensante que isto depende del differente rolo que le parochias joca in le
statos unite in comparation con le situation in Svedia.



ss

Kjell [log in to unmask]
Kjell Rehnstroem
Vaenortsgatan 87
S-752 64  UPPSALA
Suedia - Sweden