"Harleigh Kyson Jr." wrote:
> (...)
> Vos, le scandinavos, io es convencite, es le sol
> gruppo de personas qui ha potite disveloppar un
> societate vermente human (anglese: humane), e io
> regretta multissimo non haber nascite inter vos.
Forsan tu pote anque adder Nederlandia. Mi impressiones es solo
touristic, ma ego senti un grande diversitate e tolerantia verso varie
directiones politic e confessiones.
Ego crede que le tolerantia verso deviantes, dissidentes, es un poco
diverse in varie paises.
Quanto a violentia verso homosexuales, tal cosas ha anque occurrite in
Svedia e mesmo relativemente recentemente. Il es personas al extreme
derecta que committe violentia contra homosexuales e immigrantes o
refugiatos.
> Il ha un monumento a Raoul Wallenberg in Los Angeles,
> e quando io es in ille area, io sempre mitte flores a
> su pedes. (Con Bertrand Russell e Martin Luther King,
> ille es inter mi heroes cultural le plus importante.)
Bertrand Russel ha un fratre spiritual in le filosofo Ingmar Hedenius,
qui in le 50's scribeva un libro "Fide e sapientia" (sapientia como in
"ego non sape"). Iste libro era un probation del predicationes del
ecclesia svedese e creava in su tempore un tempesta. A nostre dies iste
libro se studia in le institutiones de teologia (Secundo le expertos le
libro es obsolete, ma ego, qui lo legeva solo ante duo annos sentiva un
revelation! In multe relationes ego sentiva lo mesmo. Forsan un deber
traducer le libro in interlingua e lo poner al rete :-). Ego va explorar
le possibilitates.
> Io ha describite le societates scandinave a multe
> christianos hic in le Statos Unite. Illes dice que
> vos ha formate un societate abominabile de
> pornographos e libertinos sexual, e que omne vos es
> destinate a passar le eternitate in le focos del
> inferno.
Si on va judicar secundo le rete il ha plus de pornografia american que
svedese. Ante multe annos quando ego habeva accesso al television ego
habeva un canal a cablo ubi il habeva anque pornografia, e iste films,
como ego lo comprende, era generalmente producite in America, o al minus
in americano, assi que certo il habeva un mercato pro tal cosas ibi :-)
Un persona qui vermente studia nostre societate al profundo videra que
nos es multo plus puritan que on poterea creder al prime vista. Il es un
sorta simile al discopertor qui vide un salvage tribo e crede que ille
humanos vive libermente, sin coertiones, nam nostre discopertor non vide
le delicate filas de interrelationes e tabus que dirige un forsan multo
auctoriari societate! Simile il es con nostre societates scandinave.
Lectura del belletristica scandinave es recommendabile.
> Il me pare que contra iste vision de vostre sorte, le
> cameras de gas e le crematorios del nazis es
> positivemente benigne.
>
> Naturalmente, tal personas anque crede que nos, le
> homosexuales, va haber un simile sorte. E multes ex
> iste cristianos vole comenciar nostre punition hic in
> le terra, a vices mesmo con le violentia.
In gruppos de discussion ego ha remarcate que multe contribuentes del
Statos Unite ha un multo superficial comprension del societates europee
in general e le scandinave in particular.
Solo quando ego sojornava in Polonia ego comprendeva de qual estranie
pais ego vermente origina!
Kjell R
|
