Car amicos:
                Quando io comenciava a apprender interlingua, il habeva
plure cosas que io non comprehendeva. Proque? Pro que io voleva apprender e
usar le regulas!! Pro un comenciante il es multo difficile comprehender que
interlingua sia un lingua planificate e que illo ha irregularitates...
        Le verbo 'esser' e alcun plurales (como 'dollars') son alcun del
irregularitates que io ha trovate e que io non comprehendeva. Io totevia non
es de accordo con le plural de 'dollar', ja que io pensa que la regula es
multo clar: adder -es si le parola fini in consonante, o simplemente -s si
finice in vocal.
        Re le verbo 'esser', io crede que il es le verbo le plus basic del
linguas romance, assi como del anglese. Pro illo, io crede que le uso de duo
formas (es/son) es desirabile, ja que illo exprimerea melio un idea. Mesmo
le anglese face un diferentiation inter le singular e le plural, non sol in
le presente (is/are), ma anque in le passate (was/were).
        Haber iste duo formas serea le sol irregularitate, que io crede, non
serea difficile apprender pro ulle persona. Io non crede que haber plus
formas (so, es, somos, son) facerea le apprentissage plus difficile, ma ille
formas non son necessari.
        Ma interlingua ha multe optiones pro nos: sequer le regulas
strictemente va ben; usar le formas alternative va ben; nos pote usar lo que
plus nos place... ben que illo pote semblar estranie, bizarre o archaic!!!
Interlingua lo permitte!!! Ver o non?
        Io scribe interlingua como plus me place, e illo es valide si io
seque le grammatica ja planificate o usa lo que es permissibile. Nos pote
facer illo e esser felice, nonne?

Amicalemente,
                        A r t u r o