Ab Revista SUPERINTERESSANTE (Brasil, Anno 13, Nº 8, Augusto 1999):
=====
Technologia
LE PAPIRO RECYCLABILE DEL FUTURO

Si tu pensa que le informatica jammais va substituer le placer de manear le
folios de un libro, il es melior reconsiderar. Il es a puncto de esser lanceate
in le Statos Unite un papiro intelligente, inventate per Xerox. Le paginas veni
in blanco. In loco de tinta, le litteras es electronic, registrate per un
"impressor" special -- e pote esser essugate, como in le schermo de un
computator. Le e-papiro va esser fabricate per 3M, fabricante del traditional
Post-It. * * *

     GIRO MICROSCOPIC
     Intra le e-papiro, milliones de spheras minuscule compone imagines e
     litteras.

     Le e-papiro ha duo stratos de plastico transparente. Intra illos, il ha
     bollettas electricamente cargate. Illos ha duo colores, blanco e nigro.

     Sub un campo electric, le bollettas gira, alternante le facie exposite.
     Isto crea textos e imagines, que cambia quandocunque le folio es submittite
     a patronos de cargas electric differente.

     Perque le qualitate graphic es similar a illo de un impressor a laser, le
     e-papiro ha toto pro substituer le papiro commun -- e sparniar milliones de
     arbores.

=====
Technologia
LE FRATRE CADETTE DEL iMAC

Pro imbarcar in le successo del iMac, le charmante computator colorate de Apple,
arriva al mercato american ancora un computator que tene cura del visual. Su
nomine es iBook, un computator portabile turbinate que ja exi del fabrica con un
processor G3 a 300MHz e 3,2 gigabytes de disco dur. Illo pote mesmo venir con un
dispositivo que permitte le accesso al Internet sin filo, per undas de radio. *
* *
--
   ENSJO : EMERSON JOSÉ SILVEIRA DA COSTA
Homepage : http://www.nautilus.com.br/~ensjo/
 UIN ICQ : 713833

INTERLINGUA - lingua auxiliar international
    Info : http://www.interlingua.com/europa/queesinterlingua.html
  Brasil : http://www.nautilus.com.br/~ensjo/ubi/