Salute omnes!

Con un par de personas sur iste lista ego ha contactos via le programma
telefonic "Skype" (lege "scayp"). In le lista de usatores on trova
multes qui usa interlingua. Ma per interlingua illes comprende "inter
le linguas" (nam illes sape plure linguas) o pensa que illo es un
interessante nomine que significa nihil a illes.

Si tu ha un connexion fixe e nunquam ha parlate interlingua, pro qual
ration non probar con me o con altere parlatores del lingua
international e fraternal. Tu debe haber un fixe connexion a cablo o un
adsl, un carta son in le computator e "auriculario" e un "microfono"
(lo que on in anglese nomina un "headset". (Le parola *capital jam es
occupate :-)

In Scype ego es "cellusp".

Pardona iste ostentative reclama pro Scype, ma illo es bon pro
interlingua. :-)

Ego ha cercate le personas qui se annuncia como parlatores de
interlingua., On pote al minus informar los del existentia de
interlingua e qual fantastic lingua il pote esser pro le mundo...

Kjell R