A tu aviso, potesser.  Mais isto esseva specificamente lo que Gode voleva evitar, e dunque
isto non esseva le rola del interlingua in su origine.  Pro Gode (e pro me), isto facerea del
interlingua qualcosa sin multo interesse.  Si le interlingua non representa un methodo
objective e scientific pro communicar in un forma comprehensibile a multe nationalitates,
illo non es utile pro nos.  Si illo esseva un lingua independente, illo esserea solmente un
lingua construite, e necuno aberea alcun ration seriose pro apprender lo, excepte interesse
personal.  Illes qui vole un tal lingua trovarea multo plus de supporto in le communitates de
esperanto.

Le interesse del interlingua (como illo esseva concipite originalmente) es specificamente
que il es possibile applicar methodos scientific (reproducibile per quicunque) pro determinar
qual parolas e expressiones face parte del lingua.  Sin iste base scientific, le lingua es
solmente un altere creation proveniente del mente de qualque individuos, e non un
ressource vermente appertinente a tote le mundo.  Mesme si tote le parlatores del
interlingua dispareva, le interlingua illo mesme non poterea disparer, proque le linguas
fonte continue, e le regulas definiente le interlingua continue, e dunque non importa qui
poterea apprender a utilisar lo pro facilitar communication, simplemente in applicar le
regulas objective.

Il non es un grande problema que tu vole que le interlingua es un lingua independente.
Mais iste es un projecto completemente differente del interlingua original: un projecto
multo plus como illo del esperanto.  Il es importante comprehender isto.

Paul


Paul Bartlett ha scribite:
> A mi aviso, interlingua ha devenite un *lingua independente* del linguas
> fontal de su origine. Interlingua non depende jam a su radices. Ben que
> Alexander Gode exemplificava un stilo bonissime de utilisation, il non ha
> besonio que adherentia servil a su principios deveni un deo. Il ha
> periculo si interlingua non ha stabilitate. Linguas auxiliar morte lassa
> in disordine le paisage integre a cause que illos non habeva stabilitate.
> Vide mi essayo (anglesemente) "Thoughts on IAL Success"
> http://www.panix.com/~bartlett/thoughts.html . (Io ha date antea
> referentia de iste essayo.)


--
Pro leger le archivos e pro modificar o cancellar le subscription:
http://listserv.icors.org/archives/interlng.html