Car Francesco,
Io es multo felice de vider como tu usa le belle
lingua international tanto ben e tanto expressivemente.
Il es un placer dicer un grande "Benvenite" desde iste
costa del Atlantico... io te extende mi mano... uff il es
gratias al adjuta cybernetic que mi bracchio pote extender
se tanto ;-)
Benvenite al lista e io spera poter excambiar plus
messages e notas amical con te hic in iste foro.
Sincer e amicalmente,
Jay B.
149 George St.
Keene, NH, SUA
-----Original Message-----
From: Francesco Felici <[log in to unmask]>
To: [log in to unmask] <[log in to unmask]>
Date: Wednesday, July 14, 1999 8:08 PM
Subject: Nove comenciante in le lista
>Car amicos e amicas,
>
>io me nomina Francesco e es un comenciante italian de Interlingua. Io ha 30
>annos e ha studiate linguas scandinave al universitate de Pisa, mi car urbe
>in le centro de Italia. Nunc io instrue italian al universitate de Poznan,
>Polonia.
>
>Io comenciava apprender Interlingua un anno retro ma post haber legite le
>methodo de Stenstroem, io comenciava apprender altere linguas e non habeva
>tempore pro continuar Interlingua. Ma iste anno io decideva recomenciar e
>... continuar. Io relegeva le methodo de Stenstroem e etiam le de Gopsill.
>Postea io contactava Jan Armann e le demandeva, an ille voleva corresponder
>con me de maniera que io poteva practicar e ameliorar mi capacitate de
>utilisar Interlingua. Quando nos comenciava corresponder, Jan me parlava de
>iste lista, certemente un optime sito pro practicar.
>
>Io volerea dicer vos, que me placerea multo, si vos poteva commentar mi uso
>de Interlingua e corriger le errores, que io face in mi messages. Si il ha
>interlinguistas italian, illes forsan potera comprender melio, si io usa
>Interlingua o "ITAL-lingua" (!). Si, como italiano io comprende toto ma,
>quando io vole scriber, io debe cercar, al minus ora, quasi cata vocabulo
>in le dictionario. Ha il activitates particular pro comenciantes in le
lista?
>
>Ergo vostre adjuta es benvenite! Apprendante e practicante linguas
>artificial (io apprendeva e apprende multes), io troveva sempre amicitate.
>Inde io es certe que etiam ci, in le belle mundo de Interlingua, io
>cognoscera multe personas interessantes e trovara anque nove amicos.
>
>Io nunc debe quitar ma io spera de reciper tosto vostre messages.
>
>A tosto
>
>Francesco
>
|
