Salute!
Le Autoritate Administrative de Vias in Svedia (Vägverket) ha decidite, secundo novas de TV hodie, que un certe location de camera e jentaculo, tamben in Svedia le plus sovente appellate Bed & Breakfast (B&B), non es permittite placiar un tal indicator al via. Iste decision probabilemente essera ponite in question per multe personas. 
On ha decidite que le texto debe esser in svedese, "Rum och frukost" lo que tamben pare esser de plus in plus commun secundo mi proprie experientias. Le autoritate justifica su decision con referentia al "Convention de Vienna" 1989.
Si isto vermente es obligatori il essera necessari cambiar multe placas e in Svedia e in quasi omne altere paises de Europa, e il essera interessante studiar le consequentias de iste decision.
Multe svedeses nunc probabilemente va dicer: "Isto es typic, autoritates  svedese sempre es le primes que obedia decisiones stupide international e altere paises los neglige."
Il esserea interessante saper p.ex. como le situation es in Francia. Le franceses sole evitar le lingua anglese si possibile.  
Regrettabilemente le parola jentaculo non es comprendibile a prime vista, alteremente io haberea  proponite que omne placas in Europa deberea haber le texto Camera & jentaculo. Forsan "Camera & nutrimento" esserea un possibilitate europee :-).
Que es le situation in tu pais? Ha vos multe placas con Bed & Breakfast que nunc debe esser cambiate, excepte in Grande Britania io suppone :-).

Erik Enfors 
Vallåkergat.25 
SE-432 37 VARBERG 
Svedia
Skype: untorrente
e-post: [log in to unmask]








--
Archivos e disabonar: http://listserv.icors.org/archives/INTERLNG.html