Io desidera exprimer mi admiration e mi complimentos a iste initiativa;
supertoto io exprime applauso pro iste labor de gruppo realisate pro
interlingua. A totos un cordial Bravo!
Io es del idea que saper laborar in un gruppo de personas a nivello
international debe esser realisar un del plus grande aspirationes possibile
in iste periodo characterisate de meraviliose novitates.
Evidentemente le partecipation a un gruppo debe esser ancora un question de
reporto inter le personas a un nivello que non pote, o non es ancora
considerate, como un initiativa que pote extender se al personas in general.
Probabilemente isto intervenira in le tempore futur.
Io pensa que Interlingua haberea avantages si le participation al personas
poterea esser un facto de major apertura.
Ma es le resultatos illos que conta, e le resultato in iste caso pare esser
un excellente resultato.
Ancora felicitationes e gratias, perque io trovara securmente avantages ab
iste initiativa.

Mario Malaguti


>From: Jan Årmann <[log in to unmask]>
>Date: Fri, 12 Jan 2001 16:23:41 +0100
>
>Amicos,
>
>Un periodo longe de multo labor nunc ha resultate in le publication de
>Deutsch-Interlingua Wörterbuch in Babylon. Vamos reguardar isto como un
>presente e contribution a nostre 50e anniversario!
>
>Io spera que alcuno, forsan Bent Andersen, vole contar nos le plen
>historia re iste Wörterbuch. Le autores A. Schild e H. E. Ruhrig ha
>compilate le material fundamental. Postea Arne Pedersen e Bent Andersen
>ha salvate le manuscripto in forma electronic. Un labor multo grande.
>Nunc in le tempores recente passate Piet Cleij ha attentemente legite le
>manuscripto in respecto linguistic de interlingua e facite certe
>correctiones. Cata uno qui ha experientia de labor lexical sape que isto
>require labor meticulose e un portion grande de patientia.
>
>Post Piet un trio ha attaccate le manuscripto de novo pro facer lo
>usabile pro un dictionario a distribuer per Internet e uso in nostre
>computatores in un maniera simple. Le trio es Bent Andersen, Allan
>Kiviaho e Jan Årmann. Anque iste adaptation del dictionario esseva multo
>exigente e nos ha usate centenas de horas pro isto e nos ha habite un
>correspondentia frequente e grande.
>
>Le resultato nunc es un version provisori pro Babylon ma anque usabile
>pro usage directemente in computatores sin o con certe motores a cercar.
>Io dice "provisori" proque un dictionario nunquam es a reguardar como
>"preste". Exemplos a solver ante un futur version final es p. ex. le
>desiro de Piet que nos ancora collige un gruppo qualificate pro facer
>ameliorationes. Le trio Andersen, Kiviaho, Årmann anque vole continuar
>le contactos con le ingenieros in Babylon pro solver alcun problemas con
>'ß' - le duple 's'. - Nunc il non es troppo dramatic publicar nove
>versiones in Babylon. On lo pote facer sovente, si necessari. Isto es un
>grande contrasto a dictionarios imprimite.
>
>Car amicos, Allan, Bent, Piet, nos ha nunc vivite intensivemente con
>nostre WDI (Wörterbuch Deutsch-Interlingua) e nos a vices ha essite
>tentate a corresponder in germano. Ma nos ha usate interlingua benque
>nos ben
>maestra svedese/danese. Nos nos nunc multo gaude a dar iste Wörterbuch a
>nostre
>movimento como nostre contribution a nostre 50e anniversario.
>
>Permitte nos nunc exclamar in germano:
>
>ES LEBE INTERLINGUA!  HOCH! HURRAH! VIVAT!
>
>Pro Allan, Bent e Piet per
>
>Janne
>
>Discarga tu dictionario ab http://www.babylon.com !

_________________________________________________________________________
Get Your Private, Free E-mail from MSN Hotmail at http://www.hotmail.com.