Car Paul!

Quando io legeva tu lettera io me demandava como tu ha apprendite
interlingua. Ha tu participate in un curso o ha tu studiate ipse? Il esserea
interessante saper isto. Si tu ha apprendite interlingua tanto ben sin
adjuta isto es ancora un exemplo del perfection de interlingua. Le facto es
que tu scribe sin errores.
Io ipse apprendeva interlingua ante plure annos per participar in un curso e
postea io ha participate in plure conferentias international e incontros
nordic. Toto comenciava quando io discoperiva un pagina in internet  e con
stupefaction poteva constatar que io comprendeva quasi toto. In le schola
gymnasial io legeva anglese, germano e francese ma nulle altere linguas.
Durante plure viages, specialmente al paises mediterranee, io ha usate
interlingua e nunquam io habeva problemas facer me comprensibile. Un altere
cosa es que io sovente habeva problemas comprender lo que le altere persona
diceva sin explicationes ulterior o nove demandas e isto sovente resultava
in conversationes interessante.
Secundo mi experientias interlingua es un lingua perfecte pro touristas e
deberea esser plus usate in summarios de articulos e libros. Isto certo
allargava le numero de personas qui discoperirea le lingua international
perfecte, interlingua.
Un altere experientia es que io nunc melio comprende "parolas difficile" in
mi proprie lingua maternal, svedese. Tal parolas sovente ha su origine in
latino. Dunque interlingua meliora le saper general.

Erik Enfors
Vallkergat.25
SE-432 37 VARBERG
Svedia
Tel: +46 (0)340-875 45
(Mobil: +46 (0)730  65 60 21)
Skype: untorrente
e-post: [log in to unmask]






----- Original Message -----
From: "Paul Dann" <[log in to unmask]>
To: <[log in to unmask]>
Sent: Thursday, May 30, 2013 12:08 AM
Subject: [INTERLNG] Io me introduce


> Salute a tote le Interlinguistas!
>
> Ora que io ha studiate un poco plus le Interlingua e me senti plus
> familiar con illo, io voleva introducer me debitemente!
>
> Io habita a Birmingham, al Regno Unite. Io es un programmator de
> computatores. Io ha 27 annos, ma usque al etate de 14 annos, io habitava
> al Maroc, e frequentava un schola francese, dunque io parla e le francese
> e le anglese. Io me interessa del technologia, e essaya a apprender le
> electronica. Io ama reparar le cosas electronic que ha ruptite.
>
> Io me ha sempre interessate un poco al linguas, e io faceva effectivemente
> un anno de espaniol quando io esseva plus juvene, ma io non esseva jammais
> secur qual lingua(s) io debeva apprender.
>
> Deinde, io discoperiva le Interlingua, e io es ora excitate, proque io
> pote apprender un solo lingua, ma communicar con multe nationalitates (sin
> usar le anglese!)
>
> Io fruerea leger le motivationes varie pro le quales cata de vos se
> interessa al Interlingua, si vos habe le tempore pro scriber.
>
> Io esserea multo grate pro alcun correctiones o suggestiones. Io es
> evidamente ancora apprendente. Io es particularmente incerte re le
> correcte idiomas e expressiones.
>
> Gratias pro haber legite!
>
> Paul
>
>
> --
> Pro leger le archivos e pro modificar o cancellar le subscription:
> http://listserv.icors.org/archives/interlng.html
>


--
Pro leger le archivos e pro modificar o cancellar le subscription:
http://listserv.icors.org/archives/interlng.html