Car Amicas e Amicos,

heri, al unanimitate, le altere dece-quatro Paises del Union Europee, per
le medio del presidentia portugese e ab initiativa de Brussel e de Paris,
ha officialmente informate Austria que, sia le UE, como omne Pais del UE,
recusara le accordos europee con Austria, si le dextra, que professa
xenophobia e ideales nazista, sera appellate al formation del nove
Governamento austriac, nonobstante le resultatos del libere electiones.
Austria es uno del Paises del Euro.
Plus regiones austriac face parte de Alpe-Adria, como le Carinthia, un
altere meraviliose idea de unitate inter le regiones de Italia del Nord,
Bavaria, ex Yugoslavia, Hungaria, etc. Iste facto poterea provocar un
arresto de un altere grande sonio local.
Le progresso non pote esser sol un question economic, ni de extremismo
politic.
Le unification europee non es un proceder facile e iste manifestation del
UE, que pare de unitate, es, pro me, positive, anque si isto me lassa
perplexe.
Le populos e le nationes europee non vole oblidar le holocausto.
Io nasceva in 1940 e mi prime cinque annos de vita era con le guerra, le
germanos, le partisanes e le republicanos, e le bombardamentos del alliatos.
Con Austria mi Veneto ha un meraviliose reporto.
Nos commemora insimul nostre homines qui moriva per nostre Paises in le
Prime Guerra Mundial e in le Guerras Resurgimental del 1800.
Perque iste novitates?

Le telejornales de hodie, reda un valor plus blande al differente positiones.

Io confide in le pace europee. Ma resta aperte multe questiones, como le
immigration sin controlo.
Le cammino del populos es un strata in ascensa.

Ciao,

Mario

Mario Malaguti
(mailto:[log in to unmask])
mailto:[log in to unmask]
Strada Bibano, 9 - 31100 Treviso (Italy)
tel. (+39) 0422 420790 - fax (+39) 0422 420789
http://www.telegrupigi.com