Amicos!

Quanto al idea de un "pacchetto" basic pro orientar le creation de nove
organizationes, nota que NON sera includite un statuto definite. In su loco, il
habera DIRECTIVAS (guidelines) pro que on crea le statuto de ille organization.
Exemplos de statutos existente pote esser includite, non como modellos que debe
esser copiate con 100% de fidelitate, ma pro que le candidato "senti" le
possibilitates, e imagina cosas que pote esser includite in su proprie statuto.
Il es OBVIE que le version definitive del statuto del nove organization debe
harmonizar se con le leges de su pais.

E certo le pacchetto NON es un requirimento obligatori pro le creation de nove
organizationes. Si, per exemplo, nostre amicos statounitese decide crear un
organization national ante le Conferentia de Focsani, isto esserea un multo
agradabile notitia, que esserea recipite con multe gaudio per nos totes. Ma
information additional sempre es bon in iste momento, nonne? Specialmente pro
illes qui nunquam se ha involvite con stabilimento formal de organizationes de
qualcunque natura. (Io mesme, per exemplo!) Alora, le idea es colliger
experientia pro fornir a iste personas.

Ensjo.