> Commentario in anglese de Cesidio Tallini inviate per jasef harb
> <[log in to unmask]> a INTERLNG:
>
Traducite a Interlingua:
A proposito, le pronunciation de Interlingua non es toto establite.
Illo es quasi le mesme al Latino de Ecclesia, excepto que "dicerea"
esserea pronunciate "ditserea" in vice de "dicherea".
Illo pare un sorte de Latino Medieval resurrectate, ma multo plus
simplificate, facile de leger e apprender, e ancora bastante differente
in orthographia, grammatica e pronunciation del Latino de Ecclesia
pro retener facilemente un certe senso de independentia cultural!
Peter Haugen, lector al Universitate de Wisconsin, e autor de World
History for Dummies, al pagina 217 de su libro scribe "Le latino es
un lingua morte. Ma sape vos que illo viveva longe tempore depois le
cadita del Imperio Roman? Solmente quando le academicos del
Renascentia essayava salvar le latino, tunc le lingua se ossificava
in le lingua sterile que ha essite desde ille tempore."
Basicamente in le Renascentia le academicos traheva le ruina del
latino — que esseva un lingua vivente e dynamic usque ille
tempore — proque illes comenciava leger textos latin de jam
1 500 annos retro, e in notar como differente lor latino esseva
de illo de Cicero, illes essayava reintroducer le vetere regulas
de grammatica e le uso como parte de un education classic.
Isto tornava lo que esseva le linguage natural de europeos
educate del Medievo a un lingua artificial de facto. Illo tornava
le latino in un "klubajxo", un linguage pro un oligarchia, e
restringite a propositos foras del affaires del vita cotidian.
Quando le latino deveniva tediose e inflexibile, e comenciava
apparer multo differente del linguas popular e le dialectos que
lo circumferiva in Europa, illo finalmente non esseva plus usate
mesmo in le majoritate de areas academic. Forsan le Ecclesia
inflexibile etiam contribueva a isto. Il non pareva multo rational
in tempore pro un Protestante apprender le latino viste que illo
esseva le lingua del Ecclesia Catholic, e isto poterea accellerate
su cadita.
Le Interlingua appare e sona tanto elegante como un dialecto
castellan o italian e sembla multo natural, tanto natural que illo
facilemente poterea devenir un lingua de uso cotidian si alcun
personas creative e personas de importantia essayava lo.
Io pensa que tu ha ration super le UMI, in que illo non adjuva le
processo de diffusion linguistic per insister in le uso de textos
primari (dictionarios, grammaticas, etc.) pro le proposito de
colliger monetas. Desde le ultime publication major del textos
primari de Interlingua in le 1950s, le unic maniera que nove
venitos a Interlingua pote obtener iste textos primari, pro
assi vermente maestrar le lingua, es pro medio de comprar
iste textos ab le veteranos. Isto non aperira le "mercato"
pro Interlingua, e adjuvar con su diffusion.
Lo que le UMI debeva haber facite esseva haber concordate
con le publicatores moderne que publica libros-a-demanda:
assi le vetere dictionarios e grammatical poterea esser
re-imprimite hodie pro un modeste precio comparate con
le textos imprimite in massa, e illos tenite sub copyright
del qual lor descendentes poterea ancora colliger significante
moneta del derectos de autor — isto les haberea incoragiate,
si assi inclinate, a producer lor proprie nove libros, vidente
que il haberea un significante demanda in nove mercato.
E le augmento del numeros de usatores de Interlingua
in torno les beneficiarea, mesmo a UMI e lor parve servicio
de libros, le qual non produce qualque nove obras notabile
ultimemente in le lingua.
Cesidio Tallini
traducite per Jay B.
--
[log in to unmask]
|
