Car Amicas e Amicos,

io considera que le nove gentil contributor Laurie Brannon hodie me ha
facite duo donos con su affirmationes:
1 - Interlingua es multe como italiano, ma io jammais studeva italiano,
solmente francese in le alte scola e espaniol in le universitate, per duo
semesteres, pro obtener mi creditos.
2 - Le archivos es un bon auxilio pro personas como io que vole apprender
le lingua.
In plus illa scriveva: Illos (le membros de un lista) voleva solmente
parlar de grammatica e vocabulario e arguer, arguer, arguer...

Benvenite gentil professoressa, iste periodo es fecunde pro le adhesiones
ab le Statos Unite de America e le representantes del gentil sexo. Forsan
isto (gentil sexo) es un expression litterari typicamente italian.
Io ama vostre materia, le historia, que io studia ancora hodie como io
apprendeva a facer lo quando io era studente. Historia es un materia que on
debe abbinar (combinar) al geographia, al economia, al philosophia, al
litteratura e al religiones, e non solmente.
In vostre scholas esque vos studia le istoria de Italia? Io debeva studiar
illo francese, anglese e american como parte de mi cursos de economia e
commercio.
Forsan io tolerava le linguas pro iste aspectos e perque nos poteva
apprender plus technica ab le studio del duo linguas in comparation a illo
del techica mercantil, bancari, et cetera in lingua italian. (Nos jocava al
economisation!)
Cinque annos de francese e quattro de anglese, nihil uso del vocabulario.
Lectiones e conversationes in lingua e apprender le vocabulos de memoria.
Isto pro me era troppo! Era un imposition al qual io cercava de subtraher
me in tote le manieras possibile.
Io era le eterne ultime del classe. (Forsan non assi in le vita!)
E io es un perfecte ignorante in francese e anglese, ma non in lor
historia, e altere cosas.

Quando circa duo annos retro io cognosceva pro le prime vice interlingua,
sin altere cognoscentias de linguas auxiliar, io me diceva: ma isto es
italiano international!
Io volerea reprender mi anglese e usar lo con referentia a interlingua e
pro su medio al italiano. Isto es un defia, ma forsan io in iste modo
usarea un anglese comprensibile a un italiano, o un italiano comprensibile
a un anglese, o plus comprensibile.
Io debe sempre complicar me le vita!
Apprender interlingua es aperir un porta in le direction del italiano. Con
le sol possession de interlingua on pote visitar Italia sin problemas.
Si io poteva apprender interlingua como mi secunde lingua, antea latino,
francese e anglese, forsan io haberea amate iste linguas.

Re le archivos, io me augura que tu allude a illos del lista interlng.
(Permitte a iste vetulo de usar le tu!)
Piet Cleij scribeva como si iste archivos non es multo importante. Tu me ha
levate de ingagiar me a contradicer iste affirmation. Un lista in su
archivos ha su patrimonio e, antea arguer, arguer, arguer, como tu scribe,
uno poterea documentar se.

Assi nos poterea scriber de historia. Io vive a Treviso, in Veneto a 20 km.
de Venetia in linea de aere. Nos hic ha retrovamentos del existentia human
de circa 8.000 annos. Mi domo es del XIV seculo. In comparation a isto io
poterea scriber: io ha solmente 60 annos, proximemente. Un ultime cosa: io
ama mi dialecto e le historia local.

Ciao,

Mario

Mario Malaguti
mailto:[log in to unmask]
Strada Bibano, 9 - 31100 Treviso (Italy)
tel. (+39) 0422 420790 - fax (+39) 0422 420789