Mario,
  Io pensa que le termino "academia" crea problemas pro varie
adherentes de interlingua.  Historicamente "academia" con altere
linguas ha essite le poter e authoritate pro officializar certe
formas de un lingua.  Mais in le initial discussiones super
interlingua, quando on ha suggerite que Interlingua exige un
academia, in iste senso, Gode e alteros ha facite objection proque
isto facerea interlingua le proprietate de un parve gruppo de
individuos in loco de un standardization del elementos commun
del linguas major europee, cuje constatation es basate super
principios objective e le usage de multe milliones de parlantes.
Il ha un loco pro le linguistas professional a analysar certe
questiones super le internationalitate de certe formas, mais
quando le question de standardizar super formas ubi il ha necun
clar solution international se leva, certe principios rational
es possibile, totevia le usage e non alcun autoritate de un
academia decide le question.  Io equalmente opina que le
linguistas non pote decider lo que es usage al exclusion de
altere optiones, proque usage hodie es basate super un parve
numero de usatores in loco del grande numero de parlantes del
linguas contribuente a interlingua.  Assi, nos rejice le idea
de un autoritate que officializa e prescribe le usage arbitrarimente.
Io recognosce que vos ha altere conceptiones del function de un
Academia de Interlingua que a prescriber usage correcte - promover
le belle lingua - mais le termino pote suggerer troppo facilemente
le institution de UMI que prescribe usage correcte.

De plus il jam ha un Academia de Interlingua historicamente, in
le historia del Interlingua Peano.

Stan Mulaik