2005-01-21 kl. 16.17 skrev Chris B.:

> De facto, Kjell, io trova le condemnation de Gren un attacco chocante 
> super,
> non solo le liberate del religion, ma plus generalmente le libertate de
> parola.

Isto es un position que multos ha prendite ci in Svedia.

Le cosa que certo es interessante a un jurista (juridico?) es le facto 
que Svedia ha un lege contra "campania de diffamation de gruppo 
ethnic". A mi aviso iste lege era originalmente tailorate pro stoppar 
eventual campanias de denigration contra judeos. Il me sembla que illo 
era prendite post le secunde guerra mundial e non durante o ante illo 
(ego probara controllar isto).

Ante alcun anno(s) om cambiava le lege assi que illo pote anque 
includer homosexuales, le quales, in mi memoria, antea "non poteva 
esser reguardate como gruppo ethnic". Per le cambio le lege pote anque 
esser usate pro contravenir denigration de homosexuales.

Quando le parlamento acceptava iste lege un forte critica contra illo 
era que illo prohibi religiones - al minus christianismo - viste que il 
ha locos in le biblia que es reguardate como denigrante a homosexuales.

Per isto, on diceva, le mer lectura de certe locos in le Biblia debe 
esser un offensa e pote esser punite.

Il ha duo cosas que merita discussion. Debe on haber un lege contra 
diffamation de gruppos etnic. In caso que le responsa es si, isto debe 
anque concerner diffamation in un incontro religiose.

Il ha anque le opinion que on non debe haber leges special pro 
diffamation de gruppos ethnic.


>  Durante mi juvenitate in annos 70s, on applicava un dicto a
> expressiones stupide e offensive: "Totevia, il es un pais libere!" 
> Quando le
> chef del partito nazi canadian se candidatava pro le mayorato de mi 
> urbe, on
> lo ridiculava simplemente (ben que on gustava equalmente le disconforto
> spectacular del altere candidatos al Incontro de Omne Candidatos). E 
> quando
> ille recipeva le resultato expectate -- 0,1 per cento del ballottas -- 
> io me
> gaudeva del bon senso commun de mi co-urbanos.
>
> Hodie toto es cambiate: le stato subjice personas a punition solmente 
> perque
> illes exprime o
> piniones impopular. In Canada, nos non jam es tanto avantiate
> que le svedeses; nonobstante, on ha imponite un mulcto super uno qui
> publicava citationes anti-homosexual del Biblio.

An isto significa que il anque in Canada ha un lege contra diffamation 
de gruppos ethnic?


>
> Durante que tu, Kjell -- a mi grande suprisa -- pare approbar iste
> disveloppamento, forsan tu pote acclarar me le exacte limites de iste 
> modo
> de censura ideologic.

Nos videra le sententia del tribunal le 11 de februario.

Ecce mi opinion. Ego nn es jurista, ma ego suppone que leges contra le 
diffamation de gruppos ethnic non adjuta salvo in alcun casos. On debe 
permitter un satis forte discussion. Il es melior que ille discussion 
occurre con un intercambio de parolas e argumentos o que illo occurre 
per violentia.

Del altere latere, si il ha le lege contra diffamation, e si on 
considera que iste lege prohibi le libere practicamento de un religion, 
alora lo que omne propagatores de odio debe facer es crear se un 
religion, unn culto!

Le interessante question es, an le libertate de parola es subordinate 
le derecto de parola o inversemente?

E es il non melior que on pote discuter le ennunciationes de scripturas 
religiose, mesmo si illos non es in conformitate con le sentos de certe 
gruppos.

Secundo le extractos del predication del pastor que ego ha audite, ille 
habeva date un multo amplie personal interpretation de lo que se scribe 
in le Biblia. I.e. il habeva minus Biblia e plus de Åke Gren!
>
> - Exemplo: Susan Sontag, le intellectual statounitese, recentemente 
> morite,
> characterisava olim le racia blanc como "un cancere". Esque on debeva
> imprisionar la? O esque un mer mulcto habeva sufficerea?

Si illa diceva "racia nigre" illa certo haberea essite prosecutate. Ego 
"crede" que in le notion "gruppo ethnic" on suppone un minoritate.

> - Exemplo: Theo van Gogh, le provocator nederlandese soleva appellar
> muslimes "futue-capras". Esque on pote dicer que su assassination per 
> un
> extremista muslim era plus tosto un caso de punition *excessive*, e 
> non un
> attacco super valores fundamental de nostre civilisation?

Ego crede que ille haberea essite prosecutate si ille habeva parlate de 
"future-capras" (ille faceva un film, nonne?)

Le assassinator certo esserea prosecutite pro assassinato. Viste que il 
non existe un lege que permitte que on assassina un persona qui 
expressa un opinion on non pote vider isto como le acto de "prender le 
lege in su proprie manos!"

> Nos nos accorda,
> nonne, que parolas offensive merita punition, ma non le pu
> nition capital --
> mulctos o imprisionamento, per favor! (Naturalmente, on deplora le 
> aspecto
> vigilantista del cosa: il es le stato que debeva imponer omne 
> punition.)

Claro. Ego totalmente concorda con te in isto.

Nostre radio diceva que iste van Gogh habeva facite multo inimig 
ennunciationes contra le judeos in Nederland ante alcun annos. Le 
detalios ego ha oblidate. Ille era un multo provocative humano.
>
> Exiente le modo ironista, io debe constatar que ambe istes ha facite
> contributiones valorose al lucta de ideas in nostre societates 
> (specialmente
> Sontag, ma anque van Gogh, ben que ille era un homine multo disgustose 
> e
> odiose de mi opinion). Il es anque mi opinion que le luctas del 
> ecclesias
> christian super le thema de sexualitate es un debatto importante in le
> cultura actual, e le stato debe non resolver lo per supprimer le un o 
> le
> altere latere. Ma si on non isto vale, on debe haber le derecto de 
> exprimer
> le proprie opiniones, sage o stupide, offensive o ingratiante . 
> Totevia, nos
> habita paises libere!
>
> Amicalmente,

Ego es de accordo con te in isto.
> P.S. A basta le hobbit-troglydites de Flores! Oops, a qual prision 
> debe io
> presentar me F

Hmm, usque il non ha un causa, tu pote esser quiete. :-)

Kjell R
P.S. Si le pastor Åke Gren haberea essite plus intelligente ille non 
habeva scribite tanto de su proprie pensatas ma solo citate cosas del 
scripturas sancte. In iste caso ille haberea facite su cosa plus un 
cosa de derecto de religion, lo que probabilemente era su intention.