Si es alcunos de vos qui senti que ille/a vole apprender le latino que non era
un successo in le schola o forsan comenciar toto del initio sin alcun
indoctrination scholar, ego pote recommendar Teach Yourself Latin (Instrue le
latino a te ipse) per Gavin Betts*, editorial Teach Yourself Books, Hodder and
Stoughton. Isto es a mi aviso le optime manual de latino que io unquam ha
vidite. In combination con alcun libro national, si anglese non es tu lingua
maternal, illo es escellente. Betts explica omne ille cosas que tu instructor
non poteva explicar o pro le quales le tempore de explication mancava.

In svedese il ha duo moderne libros: Via Nova e un plus grande libro, cuje
titulo io ha oblidate. Illo es structurate como Via Nova, a saper textos
"quotidian" in latino con un massa de textos in le svedese, narrante del vita
quotidian. In le libro on seque le vita de un familia ab nascentia ad mortem e
tote le peculiaritates del vita del Roma classic es explicate con bon
illustrationes. In curto revelia le phantasia. Le altere libro ha le mesme
construction, es plus spisse ma sembla - in un curte perfoliation in le
libreria - continer lo mesmo quam le Via Nova, ma plus. A Via Nova il ha etiam
cassettas, que es legite con bon presentia mental, un cognoscite actor lege le
textos quasi ille era un romano, ma on manca le longe vocales in locos
inaccentuate como apud le lectores del Nuntii latini del Radio National de
Finlandia. Illes es usque nunc le optimes. Le radio vatican habeva ante multe
annos un homine qui forsan era slovaco qui etiam legeva lo que ego comprendeva
como un phantastic latino.

Ego ha toccate le thema antea, ma ego spera que isto vos non disturbara!

Amicalmente


*Ego pote solmente deplorar un cosa in mi vita, e isto es que Gavin Betts non
era mi instructor de latino. Le homine vermente _sape_ le lingua.

P.S. Como vos comprende le scriptor de iste lineas es un comenciante eterne in
latino, ma le lingua es totevia multo fascinante, al minus extrascholarmente.