Stanley Mulaik wrote:

>Jo ha scribite:
>
>
>>Il es interessante vider que  in le Statos Unite, terra de libertate
>>religiose per excellentia, le theoria de Darwin (al minus in alicun
>>statos) non pote esser inseniate al filios sin le consenso del
>>genitores. Perque le Darwinismo es in realitate un religion (non un
>>scientia).
>>
>>
>>
>Tu es misinformate.  Io sape necun stato ubi in le scholas public
>on non pote inseniar le theoria de Darwin del evolution sin consenso
>del genitores.  Un tal regulation esserea contra le separation del
>ecclesia e stato, e in principio permitterea le interdiction de
>qualcunque subjecto le genitores non approba.
>
>
Forsan tu non es informate del emendamento al lege del publica
instruction del 13 junio 2001. Le USA es multo grande io io pote
comprender que tu non pote esser informate de toto.

Le 13 junio 2001 le senator republican Rick Santorum ha presentate un
emendamento al lege sur le publica instruction. Le texto del emendamento
ha essite preparate per Phillip Johnson, professor de derecto penal e
leader del movimento Intelligent Design.
Le emendamento es composito de duo recomandationes que non sol affirma
implicitemente le character speculative del evolutionismo, ma incoragia
anque le discussion con le studentes sur le argumento:

1) "Un bon education scientific deberea preparar le studentes a
distinguer le datos e le theorias scientific verificabile del
affirmationes philosophic o religiose facite in nomine del scientia."

2) "Quando on insenia le evolution biologic, le curriculum deberea
adjutar le studentes a comprender perque iste argumento genera assi
tante e continue controversia, e deberea preparar le studentes a devenir
participe e informate del discussiones public circa le argumento."

Post le presentation del emendamento, le parola ha passate al senator
Edward Kennedy, portavoce del senatores democratic. Le senator Kennedy
ha adherite con enthusiasmo al initiativa, e peteva al gruppo democratic
de votar a favor, perque "nos vole que le infantes sia capace de parlar
de conceptos diverse e que pote facer lo in modo intelligente,
utilisante le melior informationes possibile".
Le emendamento ha essite approbate per un ample majoritate de ambe le
partes, con 91 votos a favor e 8 contra. Post haber superate anque le
voto del Congresso, le lege esseva firmate in januario 2002 per le
Presidente del USA George W. Bush, e entrava in vigor.

Io ha anque legite de inseniantes qui esseva mulctate per non  haber
respectate iste lege. Si tu vole io cercara iste informationes etiam.

>Le Darwinismo non es un theoria del religion, proque il ha nihil a
>dicer super Deo.  Personas qui crede in Deo pote creder le theoria,
>tanto ben como illes qui es atheistic o agnostic. Le theoria non
>prescribe alcun forma de adoration de alque. Illo solmente concerne
>lo que existe e como per le tempore le formas de vita ha cambiate.
>
>
>
>>Io non sape qual es tu religion, mais io sape que le principal
>>religiones monotheistic crede in le creation; le islam crede que Deo ha
>>create le terra e le homine assi como ille es hodie, le religion hebree
>>crede que le homine esseva create per Deo assi como explicate in le
>>Genesis e le christianos ha un ulterior motivo pro creder in le creation
>>ultra que le Genesis e ora io tentara de explicar te lo.
>>
>>
>>
>
>Pro adherer a iste religiones il  non es necesse de interpretar le
>Biblia o le Koran in un maniera literal. Mesmo le prime christianos, le
>gnosticos, ha dicite que le scripturas es interpretate figurativemente.
>Mesmo le Ecclesia Catholic non insenia que on interpreta le Biblia
>literalmente. In christianitate le idea que on interpreta le Biblia
>literalmente esseva principalmente un creation del Protestantes pro
>rumper le dependentia super le prestre pro le interpretation del Biblia.
>On pote leger le Biblia (disponibile generalmente con le invention del
>pressa de imprimeria in le tempore de Martin Luther) e interpreta lo
>tu mesme.  Mais certe protestantes ha arguite que on debe interpretar lo
>literalmente, p.e. Calvin, que es un idea ridicule. Le catholicos habeva
>ration que pro interpretar un texto correctemente, on exige le education
>in le historia, le linguas original in que documentos esseva scripte,
>un cognoscimento del stylos de scriber e exprimer le ideas, e un recognition
>del limitationes del autores original. Le prestre esseva uno con tal
>education.
>Totevia, il es possibile interpretar le contos de 'creation' figurativemente
>e non literalmente.  Mesmo certe sectos gnostic del christianos primitive
>inseniava que on debe interpretar le Biblia del Judeos figurativemente.
>
>Io es suprendite que tu cita como appoio de tu position un autor qui
>defende le Koran literalmente.  Si tu defende tu fide similarmente, tu
>debe discontar le Koran. E si tu non pote acceptar lo literalmente,
>proque debe le adherentes del Koran creder tu literal interpretationes
>del Biblia o del  Libro de Mormon?
>
>
Car Stan, tu debe saper que al contrario de lo que tu pote pensar de me,
io ha un mente aperte sempre al recerca del veritate e es iste le ration
per le qual io non ha difficultate a leger le Koran. Io de facto a
legite partes de iste libro e io ha trovate tante cosas belle e
interessante, io es de religion Mormon desde circa 30 annos io ama iste
religion profundemente e io ha dedicate mi vita al recerca del veritate,
iste facto non face de me un extremista, io ha multe amicos in le Testes
de Jehovah, personas qui veni a mi casa parlar de lor religion e isto me
place multo, il es ver que nos non pote concordar in toto, mais il ha
plus cosas in commun inter nos que cosas que nos divide, e assi es con
altere religiones, io ama profundemente le cultura historic e religiose
del populo hebree.
Equalmente io ha cercate de studiar le thema del darwinismo ex varie
punctos de vista, e io ha initiate per studiar Richard Dawkins perque
ille es considerate le plus grande biologo vivente e in ultra le
principal sustentor del neo-darwinismo.

Si tu sustene de haber un mente aperite, anque tu deberea studiar iste
argumento non solmente del puncto de vista del pro-evolutionistas. Il es
importante audir plus campanas pro poter valutar con honestate e
objectivitate qualcunque argumento, io te invita ergo a cercar de vider
le darwinismo anque del altere parte e tu habera multe surprisas.

Jo