From: Pawel Wimmer <[log in to unmask]>
> BTW - ante multe annos io studiava un poco "Mezhduslavianski jezik"
(lingua
> interslave) e il me pare que Poloneses, Checos o Slovacos poteva
comprender
> lo in grande parte, quanquam non in tal grado como Italianos comprende
> Interlingua.
> Pawel

Car Pawel,
con respecto a un inter-slavic lingua il me
interessa multo le Slavonico de Cyril e Methodio.
Illes traduceva le Biblia e disveloppava le methodo
de scriber le Slavonico usante litteras pro representar
le sonos del linguas slavic que non existeva in Grec
o in Latin. Iste Slavonico, que alcunos appella como
le Slavonico del Vetule Ecclesia, era de facto un
combination e standardisation de dialectos slavic
existente al tempore de Cyril e Methodio. Le
Clericos Francese multo se opponeva al nove
formas de predicar le Biblia in le lingua del
populo e mesmo incarcerava les. Ma con
le establimento de iste medio de communication,
le catto esseva aforas del sacco, como on
dice hic al Statos Unite, e tosto le uso del
lingua commun esseva plus e plus forte.
Un "mezhduslavianski jezik" moderne in
le 21e seculo esserea un excellente methodo
de presentar un scala gradual al personas
interessate in apprender le linguas slavic.
Tal como Interlingua es un passo a cognoscer
omne le linguas romanic.

Io es jam membro de un lista pro Gothico.
In ille lista on discuteva le possibilitate
de un inter-teutonico. Iste idea ha jam
essite presentate per multe auxilinguistas.

Assi nos haberea un lingua international
pro uso inter gruppos relationate un con
le altere. Un inter-romanico, un inter-
slavico, un inter-teutonico. On jam ha
exemplos de iste linguas in uso actual:
KiSwahili, Bahasano, Israeli...
In iste linguas on trova que varie
dialectos esseva unite e standardisate
pro le uso de un gruppo grande de
usatores.

Ma Gode presentava le problema de
un inter-continental. Le problema es
que depost le junction de brancas,
le problema de unir differente inter-
linguas continente lor vocabularios
disveloppate secun scientific
formulation, le parolas differe tanto
que un persona non poterea
comprender facilemente le parolas
commun a un altere gruppo.

Isto esseva un argumento de Mario
Pei in un del sue libros que presentava
le question de un lingua pro le Mundo.

Io legeva con multe placer le libros
de Mario Pei, e gustava multo de su
punctos de vista in le majoritate de
vices.

Assi que io trovava tu message in re
un "inter-slavico" multo interessante.

Amicalmente,
Jay B.