Ignacio, tu ultime message era multo interessante. Il me sembla que le
paises de lingua anglese generalmente ha un satis micre numero de partitos
politic - que ha un influentia.

In Svedia nos ha un tradition de partitos con membros e quasi un tote
apparato es un tradition desde le comencia de iste seculo. Optimo
organisate es le socialdemocrates (nota que interlingua exige un -e e non
un -a. Mesmo ego ancora non ha accostumate se a isto!) le quales forma un
systema quasi corporative de varie organisationes pro viventes in casas
multofamilial, cooperativos, organisation de locatores, union de feminas e
syndicatos etc. Omne iste organisationes es plus o minus politisate. Le
altere partitos ha etiam su organisation partisan, ma sin le grande rete
del socialdemocratas. Un exception pote esser le partito _centro_ que es le
ex-partito agrari con cooperativos de producentes (lacte e carne ante
toto). Le organisationes del cooperation agrari es grande con un tendentia
monopolistic.

Per mi description plus anterior del systema de election in Svedia e le
division del pais in circulos electoral, on pote comprender que il ha 6
partitos in le parlamento national ma ancora plus de partitos in le
assambleas local e regional.

In tu message, Ignacio, tu tange un problema que es multo interessante e
que incontra varie reactiones. Isto es le problema del derecto utilisar le
systema democratic mesmo si on vole lo finalisar o si on ha opiniones
exremistic in alcun senso.

Le militante sinistra usa le varie methodos pro disturbar le tanto
militante dextra que in turno usa simile methodos de disturbation tangente
le limite de criminalitate - a mi aviso.

Ego nota tamen con stupefaction que mi idea del plenmente natural derecto
de cata uno haber un incontro public sin respecto al organisation que ille
representa, si longe que le incontro seque existente leges e regulas, non
es partite de omnes.

Amicalmente


[log in to unmask]
Kjell Rehnstroem
Vaenortsgatan 87
S-752 64  UPPSALA
Svedia - Sweden