Un Viage con Linux 6.0 - per Dan Butler

Le ultime parola in technologia IPO es le nove Red Hat Linux.
A un puncto le precio del stock (que comenciava circa  US$14/share)
se altiava super Microsoft. Ma sin reguardo pro lo que vos pensa de
Linux, le IPO es multo impressive. Nostre scriptor de "mega-zine"
Al Gordon scribeva super su experientia con  Linux alcun septimanas
retro hic in un edition del TNPC. Como un administrator de systemas
 UNIX per titulo e como Webmaestro per function de labor io non es
un estranio al maniera de functionar de Linux. Assi que io comenciava
un parve experimento. Io inviara messages de su progresso.
Io voleva programmar un machina con Linux pro uso como servitor
de filas hic per alcun tempore. Si que io esseva al CompUSA recentemente,
e comprava le version "retail" de Red Hat Linux 6.0. Usante mi secunde
PC (un vetere Pentium90 con 96Mb de RAM) Io me disponeva pro facer un
installation... E al poner le "floppy" in le A: e le CD-ROM in su sito io
comenciava le machina. Depois de responder varie demandas le installation
procedeva a travaliar, e in 15 minutas io habeva un machina Linux con le
Systema de XWindow. Isto esseva bastante cambio pro me viste que le
programma installator manegiava omne le partition del disco, le
formatisation
e le installation del filas de systema. Si alcun de vos considera installar
Linux io recommenda le Red Hat Linux 6.0 proque illo es tanto facile
de installar.

Illo esseva 24 dies retro e io non ha necessitate facer un "reboot" desde
ille die de installation. E dumque io poneva mi vetere machina de
Windows 98 in un "network" controllate per mi cassa de Linux.
Tote mi documentos e preferentias pro "backups" nunc son controllate
per Linux gratias al SAMBA, le qual functiona como un servitor de NT
(Io poteva facer isto con le uso del instructiones de ultime edition del
"Featured Web Site" in Troubleshooters.com).

Con le uso de StarOffice (gratis-pro-uso-personal) io nunc pote editar
omne mi documentos de Office 97 con Linux e io alsi explora le viabilitate
de usar lo como mi systema primari. Le unic programmas que io non
pensa que io trovara pro le Linux son le "Dreamweaver", "Quicken", e
"Pegasus Mail". In le caso de Quicken e Pegasus le problema de familiaritate
con le programma e mi data jam entrate in le duo programmas. Pegasus ha
milles de messages mie, e un compilation de filtros de email multo
complicate
le qual io habeva programmate durante multe tempore.

Pro circumventar iste limitation io installava le programma gratis de WinVNC
mentionate in TNPC #1.12. Nunc io pote usar le machina de Win98 remotemente
desde Linux, e haber accesso al applicationes de Windows que io non ha
reimplaciate con alteres de Linux. Un solution multe favorabile e facile de
implementar.

Le proxime experimento es facer le machina de Linux un "firewall/proxy"
e un accessor al internet pro le altere machina que in ha nunc in le
network. Depois io volerea automatisar un "backup" e le travalios mundane
de administration del "network" que poterea functionar quando io dormi.
Io vos inviara messages pro informar vos de mi progresso e alsi inviar
adresses de ressources que io trova de adjuta.
Stato Actual: 24 dies "uptime"; 0 "reboots"; 0 "crashes".

Ecce mi suggestiones...
1. Pone Linux in un machina separate
2. Usa Red Hat 6.0
3. Usa le option de installation pro "Workstation"

Ressources de iste articulo:

VNC Remote Control Software:
http://www.uk.research.att.com/vnc/

Red Hat Software:
http://www.redhat.com

Samba Configuration Instructions:
http://www.troubleshooters.com/linux/samba.htm

Pro contactar Dan Butler:
mailto:[log in to unmask]