Car amicas e amicos,
Pro multe membros del lista INTELNG Interlingua es ancora
solmente un idioma scripte.  Sed un lingua es primarimente e
super toto un medio de communication oral.  Pote vos parlar
Interlingua?   Vos debe apprender isto per practicar lo in un gruppo
de altere interlingua-parlantes, sia multinational (naturalmente pre-
feribile!) sia uninational in un club o societate in le qual on decide
parlar inter se solmente in le lingua que on vole apprender.
Le Conferentias International de I-a es  u n  tal occasion - un
experientia vermente agradabile e inrichiente, un altere se offere
iste estate:
CINQUE DIES CON INTERLINGUA APUD LE MAR,
AL COSTA OCCIDENTAL DE SVEDIA
 Le 26 de julio 2000 usque al 30 de julio, le organisationes
de Interlingua de Danmark, Finlandia, Norvegia e Svedia
invita vos omnes qui lege iste lista, novicios o "avantiatos", a
participar in CURSOS INTENSIVE A) pro novicios
B) pro vos qui jam sape le principios e le grammatica.
In le vespere del 28 de julio le cursos transi al
7-e INCONTRO NORDIC DE INTERLINGUA con participantes
de tote le quatro paises nordic, forsan etiam de Lituania.

Le costo: Pro  tote repastos e le quatro noctes in camera pro un
persona (standard de un bon hotel) pro le Cursos:  900 SEK,
pro le Incontro Nordic: 850 SEK.  Pro ambes = 1750 SEK
Lo mesme in camera pro duo personas: 800 SEK resp. 750 SEK
= pro tote le tempore 1550 SEK.
1 US$ circa 8,70 SEK.

Un excursion essera arrangiate a un ancian village ben conservate
o al fortalessa de Varberg, castello medieval.

Löftadalens folkhögskola, Aasa, es situate 50 km sud de Gothemburg,
(Göteborg).

Le novicios studiara le manual de Stenstrom (existe in novem /9/
linguas) e le autor inseniara. Le conversation essera guidate per
le professora romanian de latino Simona Sunel e per Florin Sunel,
experto de informatica - duo juvene personas plen de charme.
Le secr. general de UMI Piet Cleij con sposa e le administratrice
de UMI Louise Delnoy con sposo etiam essera inter nos!
In le vesperes (noctes..) on canta guidate per Thomas Breinstrup,
redactor de Panorama, se amusa, face promenadas
romantic al longe del plagia (75 m distante).  On non dormi.
Vos retornara a casa efficacemente "interlinguisate"!

Annuncia vostre participation e demanda information ulterior ab
Ingvar, secretario del Societate Svedese pro Interlingua.

Ingvar Stenström,
Vegagatan 12, S-432 36 Varberg, Svedia
Tel. +46-/0/340-15053
<[log in to unmask]>
<[log in to unmask]> <[log in to unmask]>
<http://www.interlingua.com> <http://www.algonet.se/~armann/>
ICQ UIN nr. 26993308