d[071031] x[Kiviaho Allan] z[KivA-GCUhi] r[EnfE-GCM KovP-GCO]
s[Re: "Tankistas asiatic" in Budapest in 1956]
[log in to unmask]
---------------------------------------------------------------
Enfors Erik 071023: Es il ver que le russos primarimente usava
soldatos ex le partes asian del Union Sovietic, specialmente in
le tanks, proque il esseva facile convincer illes que le lucta
esseva dirigite verso "capitalistas/fascistas occidental" e non
verso le populo hungare?
------------------------------------------------------|--------
Salute, Erik!
Io cognosce te de plure conferentias nordic e
international de interlingua como un persona
profundemente human.
Sed io debe protestar contra le idea in supra ...!
Io non crede que le soldatos ex Asia Central del Union
Sovietic in fortias armate sovietic era plus cruel e
plus disposite a fusilar hungaros (soldatos e civil)
in le stratas de Budapest in la anno 1956.
Verisimilemente un soldato, sia russo o "asiatico",
qui, durante le battalia, refusava tirar a commando
era arquebusate subito, sin hesitar e immediatemente
('sofort auf der Stelle erschossen'). Le morte de
Iossif Vissarionovicz Stalin habeva occurrite solmente
tres annos antea!
Etiam le populos occidental son ben capabile de
bestialmente assassinar altere humanos. Le germanos
(le pais de Goethe, Schiller, Kant, Gebrüder Mann
etc.) assassinava un tal massa de humanos durante le
secunde guerra mundial que illo forsan excedeva le
numero de gente assassinate per le armeas asiatic in
tote le historia, Dzhengiz Han e Attila incluse. Ben,
il es ver que le mongoles sub Batu Han terribilemente
devastava Hungaria in 1241-42.
In le Guerra de liberation (o le Guerra civil, si vos
lo prefere) in Finlandia in 1918 35000 gente era
assassinate in tres menses e omne sortas de
brutalitates, tortura etc. eveniva. Un grande numero
in un pais con ca. 3 milliones de inhabitantes.
Si io es correctemente informate, post toto "solmente"
ca. 300 gente era executate in Hungaria in anno 1956
e ca. 2500 gente moriva in le battalias - e 200 000
gente fugiva ab le pais. Un incidento fede era quando
le sovieticos assassinava colonnello Pal Maleter e
Imre Nagy, le prime ministro, quando illes arrivava al
stato major del truppas sovietic pro parlamentar de
armistitio.
Iste revolta de 1956 totevia seminava un semine del
libertate in Hungaria. Le Habsburgs jocava un rolo
remarcabile in illo:
http://www.interlingua.fi/iafiup.htm#1988
---------------------------------------------------------------
Enfors Erik 071023: ... soldatos ex le partes asian del Union
Sovietic, ... il esseva facile convincer illes que le lucta
esseva dirigite verso "capitalistas/fascistas occidental" [*]
e non verso le populo hungare?
------------------------------------------------------|--------
[*] Le populos minoritates in le Union Sovietic in
Asia, turco-tataros, mongoles etc. era originalmente
libere populos nomadic e a pena multo susceptibile pro
le ideas marxista. E io non crede que illes era
idiotas. Sed il pote esser possibile que le populos
minoritates asiatic era suprepresentate in le armea
sovietic, specialmente in le truppas blindate, proque
illac habilitates professional era demandate, i.e. le
"tankistas" era professional o semi-professional.
Mesmo in le armea del Statos Unite le afro-americanos
son vastemente superpresentate.
Io ha un grande dissertation doctoral
:: Tapio Tiihonen
:: Karjalan Kannaksen suurtaistelut kesällä 1944
:: (Le grande battalias al Isthmo de Carelia in le
:: estate 1944)
:: Yliopistopaino (Imprimeria del Universitate),
:: Helsinki 2000. 761 paginas in parve fonte e grande
:: appendices in CD. ISBN 951-862-128-4
In illo es scripte que in le divisiones sovietic, que
participava al grande offensiva contra Finlandia in
estate 1944, era multe soldatos de populos minoritates
asiatic. Sed io ha nunquam legite que iste asiaticos
haberea essite plus cruel quam le ethnic russos.
---------------------------------
Le revolta de Hungaria in 1848-49
---------------------------------
Mesmo de austrianos ha essite patronos cruel. In "le
folle anno de Europa", 1848, Hungaria revoltava contra
le Imperio Austrian. 1849-04-14 Hungaria se declarava
un republica, Lajos Kossuth como su presidente. In
iste situation difficile Austria peteva adjuta de
Russia, que inviava un armea de 100 000 soldatos sub
marechal Paskevicz contra Hungaria que attaccava ab
nord super le Carpathos a Danubio e ab est a
Transylvania.
Interessantemente inter le plus importante
commandantes de armeas hungare era generales polonese,
Josef Bem e Henryk Dembinski.
(Meyers Konversations-Lexikon, Leipzig 1888)
##############################################################
BEM, Josef, general polonese, nascite 1795 in Tarnow, Galitzia
##############################################################
Educate in le universitate de Cracow, in le corpore de cadettos
e in le schola de artilleria in Warszawa, ille inrolava se in
le artilleria polonese montate e participava al campania de
1812 [*]. Pro su meritos in le defensa de Danzig (Gdansk) ille
recipeva le Cruce del Legion de Honor. Post que ille habeva
retornate a Polonia ille se inrolava in le reorganisate
armea; ille pronunciava lecturas in le schola de artilleria in
Warszawa. In 1819 ille era promovite a capitano.
---
[*] Illo de Napoleon contra Russia, in le corpore de armea
del prince Poniatowski. -- Allan K.
Su franchitia duceva a stricte punitiones e post le morte del
imperator Alexander I ille era dimittite ex le armea
polonese-russe. Ille era empleate de un fabrica de machinas a
vapor in Lemberg (Lviv, Lvov), quando le insurrection de
Warszawa erumpeva in 1830. Bem hastava a Warszawa e ille era
nominate a major de artilleria. Ille participava al guerra
con distinction. In le battalia de Iganie su contribution al
resultato fortunate era remarcabile. Ille se distingueva a
Ostrolenka e era promovite como general al commandante-in-chef
del tote de artilleria. Le 6e e 7e de septembre 1831 ille
portava su tote artilleria al battalia presso a Warszawa e
demonstrava bravura extraordinari, totevia sin supporto a
tempore per ni infanteria ni cavalleria ille non poteva
solmente con su cannones repulsar le russos.
Post le perdita de Warszawa ille passava a Prussia, ille
habitava al initio in Leipzig e Altenburg e in martio 1832
ille vadeva a Paris. Ille habitava illac usque 1848 occupate
per studios, planos litterari e projectos varie. Ille viagiava
in Portugal, Espania, Belgica e Hollanda.
In martio 1848 ille appareva a Lemberg e le 14e de octobre in
Vienna, ubi ille cargava se de medios de defensa e developpava
activitate enorme [*]. Ille participava personalmente in plure
combattos, super toto ille dirigeva le sortita ex Vienna
[**].
---
[*] In le revolto contra le imperio austrian.
[**] ... de illo de revolutionarios post le victoria de truppas
imperial. -- Allan K.
In le die del capitulation ille refugeva a Hungaria. Illac ille
era nominate per le governamento de Kossuth al commandante-in-
chef in Transilvania; ille organisava de szaklers un armea de
Honved de 10 000 viros, dirigeva con illes con grande
habilitate un guerrilla, manteneva se contra general- tenente
Puchner (le qui ille habeva vincite le 19e de decembre 1848 a
Dees) despecto su defaite a Vizakna (4e de februario 1849),
capturava Kronstadt e Hermannstadt, impelleva le austrianos e
russos a Valachia, expelleva Puchner etiam ex Banat e levava su
armea a 48 000 soldatos. Sed tunc ille era fortiate se retirar
ante le superioritate numeric austro-russe. Post que ille
habeva in van essayate a traher le inimico a Moldova, ille era
defaite le 31e de julio 1849 in le battalia a Schässburg.
Kossuth revocava le a Hungaria, ubi ille participava le 9e de
augusto al battalia de Temesvar, sed ubi ille per su nimis
prompte avantiamento contribueva a defaite de hungaros.
Post illo ille essayava, in van, ancora un vice defender
Transilvania e refugiava se a Turchia. In Turchia ille se
converteva a islam e adoptava lr nomine Amurat Pasza. Ille
essayava reorganisar le armea turc sed a causa de protestos de
Austria e Russia ille era in 1850 assignate a Aleppo ubi ille
ante le truppas turc supprimeva le revolta sanguinose del
populo arabe contra le christianos [sic! -- Allan K.]. Su
corpore, per fatigas e vulneres ruinate, era capturate per un
febre tenace, per le qual ille moriva le 10e decembre,
refusante ulle adjuta medical. Bem era un excellente general e
multo amate de su truppas.
In 1880 era erigite un monumento pro ille in Maros-Vasarhely.
---
Le revolta de 1956 startava al monumento de general Bem in
Budapest, nonne? -- Allan K.
Cf. Czetz, Campania de Bem in Transilvania (Hamburg 1850), e
Pataky, Ben in Transilvania (Leipzig 1850).
###############################################################
DEMBINSKI, Henryk, general polonese, nascite 1791-01-16 in
Krakow
###############################################################
Ille studiava 1806-1809 in le Academia de Ingenieria in Wien e
entrava post illo como un soldato simplice in un regimento de
chassatores polonese. In 1812 ille participava como tenente in
le campania de Napoleon contra Russia. Napoleon ipse nominava
le a capitano al campania de battalia de Smolensk e ille
participava etiam al campania de 1813. 1815 ille retornava a su
patria ubi ille viveva in retiramento.
Quando le revolution polonese contra Russia erumpeva in 1830,
Dembinski era nominate a major in un regimento que era formate
in le Vojvodina de Krakow sed tosto ille deveniva le commandante
in chef del guarda national mobile de iste territorio e ille
battaliava con iste corpore a Grochow. Tosto post isto le
supreme commandante Skrzynecki poneva le al summitate de un
brigada de cavalleria, con le qual ille reteneva a Kuflew un
armea de 60 000 soldatos del marechal Diebitsch durante un tote
le die. Un non minus gloriose gesta de armas era le prisa de
assalto de un ponte "inexpugnabile" a Ostrolenka. Post isto
Dembinski marchava con un parve truppa per la pais inundate per
massas de armeas hostil a Warszawa, ubi ille era presto
nominate a governator e post le resignation de Skrynecki al
supreme commandante, del qual position ille era jam post alicun
dies reimplaciate per Krukowiecki. Ille entrava in le corpore
de Rybinski e commandava durante le passage de illo in le
territorio prusse le retroguarda e le 1831-10-05 ille anque
transpassava le frontiera.
Post illo ille vadeva a Francia e in 1843 ille entrava in le
servicio de Mehemed Ali in Egypto, qui incargava le de
reorganisation del armea egyptian, sed ille retornava tosto in
Paris.
1848 ille lassava su asylo e se effortiava a establir un union
de slavos con le hungaros. Post le participation de congressos
de slavos in Breslau e Praha ille vadeva a Debrecen, al loco
del governamento hungare de ille tempore e ille era nominate
illac le 1849-02-05 al commandante superior del armea
revolutionari principal. Le jelosia de Görgey sed etiam le
aversion de truppas contra un superbe estraniero causava le
multe difficultates. Quando Dembinski post un battalia
disastrose de Kapolna (1849-02-26--28), durante le retraite
trans Theiss, prendeva dispositiones false - causate per le
ignorantia de terreno - tote le corpore de officieros hungare
como assi le governamento demandava su abdication. Totevia le
continuante campania de primavera, al comencio sub commando
supreme de Vetter e postea sub Görgey, era pro le major parte
conducte secundo le planos projectate de Dembinski.
Post illo Dembinski era durante plure menses occupate in le
Cancelleria de operationes in Debrecen, usque ille era nominate
in junio 1849 le commandante del armea hungare del nord
durante le approximation de russos. Totevia ille se resignava
jam ante le comenciamento del campania estive, proque su
plano de invader Galitzia non era acceptate per le
governamento hungare. Quando post le disaccordo inter Kossuth e
Görgey Meszaros era nominate le commandante supreme (le 2e de
julio 1849) Dembinski deveniva su maestro de quartiero general
in capacitate del qual ille conduceva le retiro del Armea de
Theiss a Szegedin e le battalia de Szöreg (le 5e de augusto
1849). Ab illo Dembinski retirava a Temesvar, ubi ille era
profundemente battite per le armea austrian-russe e su armea
totalmente dispersate.
:: Dembinski se salvava con Kossuth e altere capites
:: revolutionari al turc.
In julio 1850 ille cambiava a Paris ubi ille viveva in
retiramento total usque su morte le 1864-06-13.
Litteratura:
- Mi campania a e in Lituania e mi retraite de Kurszany a
Warszawa (Spazier, Leipzig 1832)
- Mémoires (Paris 1833)
- Factos memorabile super le guerra hungare 1848 e 1849
(Paris 1849)
- Memoires super le revolta de 1830 a 1831 (Krakow 1878, 2
volumines)
#################
POLONIA E TURCHIA
#################
/ / / / / / / / / / / / / / / / / / / / / / / / / / / / / / / /
Ante un anno un amico polonese scribeva me:
Io ha legite vostre messages, que Turchia es un sol pais que
pote salvar vetule Europa. Io es choccate que vos desira
retornar Europa christianisate al manos de islam, non solmente
vos, ma ante omne, vostre infantes. Turchia es pais islamic e
lor scopo essera islamisation de Europa, ma non in le maniera
pacibile, ma per foco. On vide que vos non cognosce le scopos
de islamo o vos es o derira esser le islamista. Vostre sposa,
Brita-Lisa, es consolabile.
Io appoia seniora Merkel, que Turchia pote esser "partenario
special" sin esser membrato plen del Union. Al fin de mi
message io spera, que vos non publicatara mi e-mail a
islamanos. Io es vetulo de 70 annos de estate, e io non pensa
pro me, ma pro mi filio, filia affin e su infantes, e le
infantes de altere poloneses e europanos (anque finlandeses).
Io habeva longe contactos commercial con islamanos e io
visitava le pais.
Con salutes a vos e vostre sposa miserabile, NN
\ \ \ \ \ \ \ \ \ \ \ \ \ \ \ \ \ \ \ \ \ \ \ \ \ \ \ \ \ \ \ \
Car NN!
Mi "sposa miserabile" Brita-Lisa (e io) ha visitate
Turchia ca. 40 vices, le ultime vice ante alicun
septimanas. Illa se senti multissimo felice in Turchia
("ne mutlu Türküm diyene!")
An tu non sape que multe heroes poloneses ha trovate
asylo in Turchia? Tanto multe que il ha habite un
village polonese in Turchia.
***************************************
A Polish village in Turkey - POLONEZKÖY
***************************************
http://newspot.byegm.gov.tr/arsiv/2002/may-jun/n11.htm
In 1772 Austria, Russia and Prussia signed a treaty concerning
the partition of Poland which the Ottoman Empire never
accepted. This helped to turn the Ottoman lands into a shelter
for Polish political refugees. Especially after the war of
1831, the Hungarian Uprising of 1848, the Crimean War and the
Polish Uprising of 1863, groups of fleeing soldiers found a
safe place to live under Turkey's protection.
In 1841 Adam Czartoryski [*], a Polish prince living in France,
founded at his own expense a Polish agency in Istanbul. The
first governor of the agency was Michal Cajkowski (Çayka
Pasha). In 1842 Prince Czartoryski submitted to the Ottoman
Government a letter in which he proposed to create a Polish
colony on the vast land, near Istanbul, which belonged to the
Lazarists. The Ottoman Government and the Lazarists accepted the
proposal and signed an agreement on 3 March 1842. The prince
was offered 5000 dönüm (c. 1250 acres) of Lazarists' land as a
perpetual lease. The agreement enabled the Polish farm colony
to come into existence on Ottoman territory. On 19 March 1842
at a religious ceremony the village was given the name
Adampol (now known as Polonezköy).
Several Presidents of Poland have visited Polonezköy: Lech
Walesa in 1994, and later - on 13 June 1996 and 19 June 2000 -
Aleksander Kwasniewski. Numerous Polish politicians and
ministers customarily call at the village during their visits
to Turkey. In addition, the members of the Polish army have
often been guests in the village.
- - -
[*] Le prince Adam Czartoryski es uno del plus grande
heroes de libertate in le historia polonese. Mesmo
ille un devote amico de Turchia! Ille era descendente
de Jagellones; como io scribeva, Katarzyna Jagellonica
era regina de Finlandia (como regina de Svedia).
Nos finlandeses memora semper que nostre rege,
Karl XII (Carolo XII) trovava asylo in Turchia pro 7
annos post le catastropho in le battalia de Poltava.
E non oblida que Turchia jocava un rolo remarcabile in
le vita del poeta Mickiewicz, le poeta national
polonese.
Salutante
Allan
:::::::::::::::::::::::::::::::::::::::::::::
Kiviaho Allan
SILY - Suomen Interlinguayhdistys ry.
FILF - Föreningen för Interlingua i Finland
AFIL - Association Finlandese pro Interlingua
Kivimäentie 16 E. FI-01620 VANTAA. Finlandia
http://www.interlingua.fi
http://www.interlingua.fi/ceiafil/ceia.htm
http://www.interlingua.com/historia
- - - - - - - - - - - - - - - - - - - - - - -
ePosta - Sähköposti - eMail, clicca:
http://www.interlingua.fi/kiva.htm
:::::::::::::::::::::::::::::::::::::::::::::
--
Archivos e disabonar: http://listserv.icors.org/archives/INTERLNG.html
|
