----- Mensaje original ----- 
De: Kjell Rehnstrom <[log in to unmask]>
Para: <[log in to unmask]>
Enviado: Lunes, 18 de Junio de 2001 03:36 a.m.
Asunto: Re: Autos a Gas !


> STAN MULAIK wrote:
> 
> > Le idea de un parve auto pro le transportation local basate super
> > le pression de aer pare esser un bon idea.  Illo es practice.  Le
> > energia pro generar le pression de aer pote esser expendite in un
> > maniera plus efficiente que in un automobile.  Le station de pression
> > de aer pote facer lo localmente con alcun motor - electric o de
> > nutrimento de hydrocarbon.
> 
> Qual es le grado de eficacitate de un tal systema? Il sona como un
> enorme dissipation de energia, como ego lo comprende.
> 
> Cellus

    Malgrado que iste systema pote generar dubitas si on compara in terminos de efficientia de immagazinamento es multo melior que alteres del mesme volumen. Pro exemplo pro un batteria electric del mesme 'capacitate' le differentia de peso pro un autonomia equivalente es abysmal. In le auto EV1 de GM con autonomia de 150 km. le peso del baterias electric es de 450 kg! e le peso total del vehiculo es de 1300 kg. Isto significa que le tertie parte del peso es le fonte de immagazinamento.
    Qual es le advantage de facer un vehiculo aligerate en chassis, axes, motor, etc. si al mesme tempore le auto es fortiate a portar con se mesme un peso morte de tal magnitude?
    In le caso del compression de aere in un deposito a pression le relation peso-potentia del fonte energetic es multo bon. Le depositos de iste auto es de materiales composite -plastic e fibra de carbon-, e gratias a iste designo, in caso de un collision le deposito se fractura lassante escapar le aere comprimite sin periculo de explosion violente. Basicamente iste auto es un auto a resorto, como illes del infantes. Nonobstante le resorto in iste caso es le aere comprimite.
    Pro que le rendimento sia major se deberea conservar le calor que se genera al comprimer le aere in le momento del immagazinamento. Nonobstante isto es quasi impossibile, proque le aumento de temperatura serea tanto grande que le deposito se funderea a causa del calor. In plus, le conservation de ille temperatura darea como resultato un incremento del presion que necun deposito poterea supportar.
    Quando iste auto functiona, le expansion del aere genera un descendita del temperatura usque circa 0º. Iste escape de aere frigide pote profitar se, in le estate, pro refrigerar le habitaculo del auto. Isto sera un specie de climatisation 'natural'.
    Altere advantage practic (fundamental) es que le deposito pote esser recargate in poc minutas -no in horas- como in le caso del batterias electric.
    Le propulsion per aere comprimite non es nihil nove. Desde le invention del prime modelo practic -in 1880- usque le Secunde Guerra, quasi tote le torpedos usava como fonte de energia un motor de aere comprimite.

Tecnicamente, Horacio