>Kjell Rehnström scribeva:
>
>> Esque Frank Esterhill non habeva un conto apud CompuServe? Ubi es ille al
>> presente?
>
>Frank Esterhill habe le sequente conto de e-posta:
><[log in to unmask]>. Per alicun tempore, in le initio de INTERLNG,
>ille ha essite participante del lista, ma ille quitava tosto depost -- secundo
>su proprie parolas -- perque ille non voleva reciper un carga de messages
>inutile omne die.
>
>Ille pare non recognoscer le beneficio que INTERLNG representa pro omne
>interlinguistas, per permitter un practica constante del lingua.

Quanto al utilitate de Interlng, io accorda con te, absolutemente. Ma nos
debe anque recognoscer que non omne interlinguista volera participer tanto
intensivemente. Il debe haber un myriade de interlinguistas-interessatos
que non vole reciper un carga de messages - utile o non-utile - cata die.
Nos debe disveloppar... qual es le melior parola... *foros* anque pro tal
participantes marginal. Pro exemplo, on pote imitar le lojbanistas e
offerer abonnamentos a un magazinetto (newsletter) de e-posta. Nulle
projecto grandiose, forsan un extracto ex Panorama, novas re nove sitos de
tela... Importante es solmente que on mantener contacto con personas que
non vole participer activemente in momento. On debe pensar a isto.

Nunc io ha quasi recuperate de un accesso de influenza. Ma, Kjell, io non
es ancora bastante forte pro relevar le discussion sur "voluntarie" e
"vaccino/a"... In mi stato de sanitate actual, il serea troppo periculose.

Salutes omnilateral,

Chris Burd