Con bufonime salute

Io debe confessar que io ha facite un error zoologic proque io ha
confundite ranas e bufons! In norvegiano rana es "frosk" e bufon es
"padde". Mea culpa!
Christian ha derecte e io pro le futur vole probar de meliorarme re cosas
zoologic..:-)
Ora nos parla re Atlantis qui a transvero de seculos ha essite trovate in
multe partes del mundo. Io crede que iste civilisation multe probabilemente
es un phantasia del parte del pretres aegyptian que (io crede) ha dicite
Platon lo que il vole audir. Ma io non sape. Il es clar que alicun veritate
debe ser oculate in iste conto. Le causa que io non crede que Santorini ha
essite Atlantis es proque le aegyptos ha narrate que Atlantis esseva multo
grande, "como Libya et Africa". Io non sape lo que illes ha pensate de iste
parolas, ma il debe esser un insula MULTO GRANDE. Le aegyptos anque ha
dicite que in Atlantis viveva multe animales salvages. Pro exemplo
elephantes. E, per favor, iste parve insula non pote supportar animales tan
grande, nonne?
Ma, un novo interessantissime idea que io ha audite dice que Atlantis
realmente se trova in Antarctica, si, sub le glacie. Le autor brittanic
Graham Hancock scribe in su libro "Fingerprints of the Gods" que iste
continente antea esseva sin glacie e que illo supporta un civilisation
meravilliosa...Le futur debe dar nos le veritate, lo que conta es esser
aperte pro omne...:-)

Satlanicasalute, [log in to unmask]