Mi amica Martina "Angel in the Sky" ab SUA me inviava isto.

LE DIFFERENTIA
--------------
Le feminas habe lor defectos.
Le homines habe solo duo:
* Toto que illes dice.
* Toto que illes face.

Un homine de successo es un qui gania plus moneta que su sposa succede
guastar.
Un femina de successo es un qui trova un tal homine.

LE STYLO
--------
Le homines evelia con un aspecto tanto bon como quando illes vadeva al
lecto.
Le feminas alicomo se deteriora durante le nocte.

Quando le feminas es deprimite illas o mangia o vade al compras. Le
homines invade altere pais. Es un maniera totalmente differente de
pensar.

Un homine es un persona qui pagara duo dollares pro un objecto de un
dollar que ille vole.
Un femina pagara duo dollares pro un objecto de un dollar que illa non
vole.

RELATIONAMENTOS
---------------
Le diamante es le melior amico del femina.
Le can es le melior amico del homine.
Ora tu sape qual sexo es plus intelligente.

Non es ver que le homines prefere feminas idiota. In vece, illes prefere
feminas qui sape simular idiotia quando necessarie, lo que es le ver
base del intelligentia.

AMOR
----
Quando un homine se inamora, ille vole ir al lecto.
Quando un femina se inamora, illa vole parlar super illo.

Le homines sempre vole esser le prime amor se lor feminas.
Le feminas habe un instincto plus subtile:
Lo que illas apprecia es esser le ultime romance de un homine.

Le unic maniera de comprender un femina es amar la -- e alora non es
necessarie comprender la.

Pro le feminas, le amor es un occupation.
Pro le homines, un preoccupation.

Le homine perde su senso de direction post quatro bibitas.
Le femina perde le sue post quatro basios.

Pro esser felice con un homine tu debe comprender le multo e amar le
poco.
Pro esser felice con un femina tu debe amar la multo e non tentar
comprender la de toto.

MATRIMONIO
----------
Le femina se marita con un homine expectante que ille cambiara, ma ille
non cambia.
Le homine se marita con un femina expectante que illa non cambiara, ma
illa cambia.

Le homines se marita perque illes es fatigate;
le feminas perque illas es curiose;
ambes se disappuncta.

Le femina se preoccupa quanto al futuro usque illa obtine un marito.
Le homine nunquam se preoccupa quanto al futuro usque ille obtine un
marita.

Il ha duo momentos in le quales le homine non comprende le femina:
Ante e post le matrimonio.

Ensjo.

______________________________________________________
Get Your Private, Free Email at http://www.hotmail.com