Ante un tempore longe (precisemente le 23. octobre,
2003) mesmo in un altere lista, Ingvar Stenström
scribeva:

> Car Thomas,
> Un libro in Interlingua que es relaxante e mesmo
> (even*) amusante es le roman (novel) "Le casa de
> sonios". [vermente: Le casa del sonios."] Le autor,
> A. Petit, ha un humor burlesc, que se manifesta in
> plure locos in iste (this) libro, que es lectura
> facile, ben apte como initio al habitude laudabile
> de leger Interlingua.   Precio 8 euros.

Gratias Ingvar.  Io ha le libro comprite e legite.
Io crede que tu ha facite un bon recommendation. Me
ha placite non solemente le stilo e historia del
libro sed anque le brochamento/ligatura.  Mesmo le
copertura, quanquam non colorate, es bon facite.

Me place haber ancora un libro in Interlingua -
le quel sera anque ben imprimite e in bon Interlingua.
Esque on pote facer un recommendation?  Ecce le
recommendation de Ingvar de 2003.  Ingvar, esque
tu ancora recommendarea iste libros?

> Le secundo passo (step) es forsan (perhaps) "Contos
> e historias" per Hans Christian Andersen, sed evita
> ancora pro alcun (some) tempore Giovanni Blandino,
> S.J. : "Le existentia de De e le immortalitate del
> anima".  Non tanto facile...  Tamben recommendabile
> es le serie de traductiones ab (from) italiano,
> germano e linguas scandinave per Pian Boalt, un
> svedesa qui recentemente ha finite un gigantic
> dictionario svedese-ia: Pirandello, Buzatt,
> Tucholsky, Bang e Strindberg.  Le obras original
> per Toma Macovei es interessante, sed un poco
> difficile pro un comenciante; iste autor romanian
> ha un vocabulario multo ric e variate.  Vos trova
> le libros a http://www.interlingua.com/libros

Io era un poco disappunctate re le grammatica in le
libro.  Io hesita (pro al minus duo causas) a troppo
plangiar me super errores de grammatica in
Interlingua, sed quando io lege un libra, io vole
saper que io habe un bon modello.  Vole ben pensa
super le bon grammatica quando tu face un recommendation.

A revider,
Tomaso Alexander