Il va un phantasma per Europa. Isto es le phantasma de Interlingua....
Nonono! Isto non es le manifesto Godean de interlingua, isto es alcun
contamination in le capite de Kjell R.

Ma finiente le burlas, io ha nunc trovate le _manifesto_. Illo sta sub
_documentos_ al sito http://www.interlingua.com

Io ha unquam legite le texto del manifesto, ma isto es plure annos retro e
il era interessante facer repetite cognoscentia con ille vetere texto.

Gode ha un - pro me irritante - maniera de scriber. Ille proba tote le
tempore scriber in un tal maniera que on non pote divenar le via de su
pensatas. On pote exprimer isto multo plus curtemente:

Le forte cosa de interlingua es obviemente que su vocabulario es registrate
secundo certe regulas de un definite gruppo de linguas.

Le pensatas de Gode secundo lo que es un lingua e le eventual differentia
inter interlingua e esperanto sembla esser bastante non-interessante, al
minus a me.

Legente non solo le manifesto ma etiam le altere scripturas de Gode on
poteva pensar que interlingua va divulgar se ipse. Io crede que isto es un
false idea. Interlingua se divulga, proque personas lo tenta usar.

Le bon cosa con le manifesto de Gode es que ille exspecta altere modos de
usar interlingua - non solo le scientia!

Io pensa que il es satis obvie que interlingua e esperanto es concurrentes.
Le plus pro isto que multe esperantistas se interessa in interlingua,
proque qual altere cosa es isto quam interesse personal, quando personas
esperantistic critica interlingua? Io vide isto como un signo positive de
interessse.

Viste que esperanto ha un clarmente  multo differente maniera de
selectionar vocabulario, arrangiar le grammatica e divulgar le lingua
mesme, il va sin dicer que multo in le movimento esperantista debe haber un
altere aspecto quam in le movimento interlingua.

E il es multo probabile que cata usator de interlingua ha su proprie
utopia, in le mesme maniera que on ha un certe idea o sperantias
concernente le proprie apprension e uso de non importa qual lingua,
national o non.



[log in to unmask]
Kjell Rehnstroem
Vaenortsgatan 87
S-752 64  UPPSALA
Svedia - Sweden