Car Peter!

Como sempre un emission excellente. E io vermente amava le musica. 
Guinevere, un melodia relaxante que io nunquam ha audite io nunc ha copiate 
con Audacity e lo inserite in mi Ipod. Le qualitate remaneva bon.

Cordialmente,
Erik
Milliones de personas comprende interlingua immediatemente.
www.interlingua.com

----- Original Message ----- 
From: "Kovács Péter" <[log in to unmask]>
To: <[log in to unmask]>
Sent: Thursday, August 05, 2010 10:27 PM
Subject: [INTERLNG] 24te podcast de Radio Interlingua


Car interessatos, qui ascolta le emissiones de Radio Interlingua!

Iste vice in su emission pro julio 2010 Radio Interlingua presenta solo duo 
themas.

Io non sape exactemente, ma forsan in Svedia se realisava exclusivemente, 
que on inseniava interlingua officialmente in gymnasios, como parte del 
programma de studios. Como? In qual forma? Ingvar Stenström, professor 
gymnasial retirate explica toto, in le tertie parte del interview facite con 
ille in 2008, in Linköping, Svedia, ubi le 11me Incontro Nordic de 
interlingua habeva loco.

A proposito del 11me Incontro Nordic, in le fin de julio occurreva le 12nde 
in Kalmar, Svedia. Le redactor de iste radio non poteva participar in illo, 
ma faceva un salutation vocal al participantes. Isto es presentate verso le 
fin del emission.

Le musicas presentate es de Jeff Wahl, de su album Guitarscapes. Le pecias 
in le ordine, como illos sona in le emission son le sequente:

- Forever

- Guinevere

- Repetition.

Io spera, que vos va trovar iste podcast tamben interessante!

Illo pote esser ascoltate directemente, o discargate de iste ligamine:

http://www.interlingua.com/node/723

Tote le emissiones anterior se vide de iste pagina:

http://www.interlingua.com/radio

KOVÁCS Péter
le redactor

--
Archivos e disabonar: http://listserv.icors.org/archives/INTERLNG.html 

--
Archivos e disabonar: http://listserv.icors.org/archives/INTERLNG.html