Allan ha respondite a mi remarcas super le usage de un
pistola de aqua pro tirar le alces e le ursos.

Le facto que mi patre portava un pistola de aqua con
ille quando ille faceva campo in le montanias Roccose
(con mi matre) se debe al aviso de un amico.

Le amico e su sposa esseva plen de humor e illes
ha apprendite de iste practica de mi patre de usar
le pistola de aqua plen del alcohol (non aqua) pro
cacia via le ursos.

Un die, le amico de me patre e su sposa esseva preste
de commenciar un viage per canoa super le lacos e
rivieros de Minnesota.  Mais ante poner lor canoa
super le aqua, illes visitava un parve emporium
in le campania proxime al puncto de commenciar lor
viage.  Post comprar alcun nutrimentos pro lor
viage, le amico de mi patre, cuje nomine esseva
Fred, mandava del venditor, "Ha tu un pistola de
aqua"?

Le venditor reguardava isto con humor e diceva,
"Esque tu non es alquanto vetere pro aquello,
filio?"

"Nonne," respondeva Fred, "io lo vole pro tirar
le ursos."

Le facto es que ille esseva seriose.  Mais le
pistola non esseva pro occider le ursos, mais
pro presentar les con un nove e extranee odor,
le alcohol. Isto es similar al defensa del
moffetta que emite un terribile odor pro
facer su inimicos evitar lo.

De facto, Fred diceva que ille e su sposa habeva
un urso venir in lor campo.  Fred usava le
pistola de alcohol a tirar le urso, e le urso
partiva le campo.

Stan