Mi car Ulf,

        Io te regratia pro tu amabile responsa, e io es multo contente que tu ha comprendite mi burla, e me pardona.

        Nostre amico Jay Bowks pensava que io habeva seriosemente interpretate tu proposition de reformar Interlingua, ma io ha jam explicate a ille que io jocava. 

        Io crede que plus tosto on debe apprender e practicar nostre bellissime lingua auxiliar international, lassante al linguistas experte le discussiones super le creation de nove parolas e possibile questiones grammatical. Le Internet offere a nos studentes plure cursos interessante (indispensabile mesmo) al apprentissage de Interlingua, e tu potera facilemente trovar tal sitos, io spera.

        E io vide, per le maniera como tu jam scribe, que tosto tu va maestrar iste preciose instumento de communication sin frontieras.

Fraternalmente,

Carlos Alberto

--
Archivos e disabonar: http://listserv.icors.org/archives/INTERLNG.html