Ecce parte tres (ab tres partes) de un traduction de un articulo del
sito de interrete de Scientific American
http://www.sciam.com/explorations/2001/100101chandra/

Io spera que isto ha essite un thema interesante per al minus un pauc
del membros.

Gratias.

Walter Peterson


Parte Tres

Antea iste discoperta, recercatores non poteva eliminar altere
explicationes pro un campo gravitational de 2.7-million-mole-solar
[2.7-million-solar-mass] se trova al centro de nostre galaxy. Per
exemplo, un gruppo de stellas neutron morte o un globbo massive de
neutrinos poteva causar le tirada al nucleo del galaxy. Sed le parve
area del flamma subite poneva a reposo iste e altere theorias: un
foramine nigre remane como le solo possibilitate. "Ad iste tempore,
nos non habe un altere explication physic," dice Frederick Baganoff
del Instituto de Technologia de Massachussetts, le caput del gruppo
collaborative de recerca.

Ben que le flamma subite forniva information decisive super le
foramine nigre del Via Lactee, le scientistas son ancora insecur super
cosa lo causava. Un possibilitate es que le campos magnetic gigante se
crede de exister circa le superfacie del foramine habe provocate le
flamma subite. Simile al campos que circumsta le nostre sol, iste
campos magnetic de foramine nigre pote periodicamente "junger se de
novo," un processo que poterea catapultar materia ab presso su
superfacie. Un altere theoria es que un objecto del grandor de un
cometa ha cadite ad in le foramine nigre e iste evento provocava le
tempesta de radio X. Si ille sia ver, esserea [un cosa] "extrememente
excitative," secundo Baganoff. "Il es como si le materia illac nos ha
inviate un carta postal a pena antea de cader ad in le foramine
nigre," ille dice.

Aliquando nel futuro vicin, astronomos spera a observar un seconde
flamma subite — iste vice durante que ambe Chandra e telescopios de
radio lo reguarda. Le information combinate de unda de radio e de
radio X poterea adjutar a determinar plus precisemente le loco del
flamma subite e corroborarea plus le theoria del esser de un foramine
nigre. Sed ultimatemente, astronomos non potera provar que un foramine
nigre cela se al centro del galaxy nostre usque illes habe viste
actualmente su superfacie, o horizonte-del-eventos [event-horizon].
"Ille, per me, esserea un prova definitive," Baganoff dice. E il manca
al minus 10 annos ante un generation nove de observatorios permittera
un tal observation. —Geoff Brumfiel