Car amicos!

In München ha comenciate le Festa de Octobre, que es le plus famose sed etiam le major festa popular del mundo. Iste sabbato tradicionalmente le burgomaestro supreme de München Christian Ude inaugurava le festa in le tenta "Schottenhammel". Ude besoniava duo colpos pro aperir le prime barril de bira. Solmente post isto le festa officialmente comencia e tamben in le tentas altere on ha le permission aperir le barriles de bira. Pro le tempore belle jam visitava plus que un million personas le festa durante iste fin de septimana.

In iste anno le festo de octobre ha su 200ime jubileo. Ante 200 annos le prime festa de octobre esseva arrangiate pro le nuptias del prince royal de Bavara Ludwig con le princessa Therese de Sachsen-Hildburghausen in le octobre del anno 1810. Pro le nomine del sposa le loco del festa se appella "Theresienwiese" (Prato de Therese).

Durante le festa le citate de München es plenate de visitantes ex tote le mundo, ben que le precio pro un camera de hotel es tres vices plus costose que normalmente. Actualmente il es un moda grande portar costumes national de Bavaria sur le festa de octobre. Etiam un parte grande del visitantes estranieros se vesti in le costumes national de Bavaria. 

Le festa durara usque le 4te de octobre.

Amicalmente ex le capital del bira
Thomas


--
Pro leger le archivos e pro modificar o cancellar le subscription:
http://listserv.icors.org/archives/interlng.html