---------- Forwarded message ----------
From: Jan Årmann <[log in to unmask]>
Date: 2009/8/16
Subject: Terminologia in interlingua
To: [log in to unmask]


Car amicos,

Io ha legite le correspondentia in ApIA e altere foros desde longe. Io
vermente spera que particularmente Josu, Piet e Stan pote trovar un solution
acceptabile pro tote nos interlinguistas. Vos tres es multo constructive e
io spera que vos pote trovar un solution que es acceptabile pro tote nos
active interlinguistas. Il es anque importante que UMI plenmente es de
accordo e que UMI actualisa su commission linguistic.

Le grande labor que require plus attention es le incorporation de nove
conceptos e parolas in le tempore moderne mundial. Grande campos es vacue de
terminologia adequate in interlingua. Io ipse p. ex. non pote scriber un
articulo scientific in interlingua de mi profession. Qual es le nomine
adequate de illo? Skogsvetenskap (sv), Forestry (en), Forstwissenschaft
(ge)? forsan Foresteria (ia)? O forsan Silvicultura (ia)?

Quando io desira tractar un certe campo de iste "Foresteria" io anque hesita
re le terminologia a seliger: Marklära (sv), Soil science (en), Bodenkunde
(ge). Forsan pedologia (ia)?

In iste maniera io pote listar plure altere campos de scientia que pertine
Foresteria ubi un terminologia manca in interlingua.

Amicos, nota nunc que Foresteria es un multo parve fraction del vita human.
Nos ha besonio de terminologia re tote le vita moderne. Le principios pro le
selection e usage es necessari a decider. E un labor grande resta!

Janne

-- 
Jan Årmann
Generalsgatan 12 E, SE-903 36 Umeå
Tel +4690771525
Mobile +46706594934
www.armann.se



-- 
Jan Årmann
Generalsgatan 12 E, SE-903 36 Umeå
Tel +4690771525
Mobile +46706594934
www.armann.se

--
Archivos e disabonar: http://listserv.icors.org/archives/INTERLNG.html