11 augusto 1999 - Eclipse

(CNN) -- Le mercuridi milliones de videntes ab Canada usque

Europe e Asia videva partial o plenmente le vista del eclipse ultime

de iste millenio.

"Lo que ben se observa es nostre connexion cosmic," astrophysicista

Richard Berendzen del American University diceva del phenomeno

cultural. "Nos habita in le unic planeta del systema solar que ha le
privilegio

de haber un luna del mesme dimension angular quam le Sol. In altere

parolas, le unic que experientia un eclipse solar."

Gratias al bon clima, le aere e le configuration del systema solar le

observation esseva le melior in le Oriente Medie, ma alcunos

in le Occidente, tanto distante usque Nova Scotia se reuniva pro

poter observar un parte del eclipse in su trajectoria depois del

5 a.m. EDT.

Quasi 500 personas se reuniva a Cadillac Mountain in le Stato

de Maine, in le Acadia National Park. Illes prendeva quasi 15 minutas

de bon visibilitate - e un curte apparentia del crescente del Sol.

Maine experienciava un 80 percento de eclipse, tal que il esseva

un del melior sitos del Statos Unite pro observar le eclipse. Ma le

nubes faceva un impedimento ben tosto.

In le Universitate de "Southern Maine U.", in Portland, centos se

reuniva al planetario pro un celebration que durava tote le nocte,

le diversiones includeva un show celestial con lasers.

Depois de passar pro le Canada, le eclipse plen viagiava a 2,400 km/h

(1,500 mph) trans le Oceano Atlantic a Land's End, in Anglaterra, de illac

il vadeva super Francia, Germania, Austria, Italia, Yugoslavia, Hungaria,

Romania, Turchia, Iran, Iraq e Pakistan, facente un nocte del die a su

passo de 60 millias de largura, ante de poner se al costa del Baia de
Bengal.

Un incredibile show celestial, le ultime de nostre millenio secun le
astronomos.

Multe personas cercava vitros special, berillos solar e alcun altere formas

de proteger su oculos pro observar le phenomeno. Un show digne de

appreciation.