Il me sembla que un guerra del typo in Chechenia o inter Israel e le 
palestinianos es destructive, non tanto al occupante como al occupatos, 
nam le resistentia de guerrilla con le tempore se cambia in un 
organisation purmente criminal. Isto, nam un armea irregular solo ha le 
medios financiar se via crimine, pagamento de moneta pro protection, 
contrabanda etc.

Simile evolutiones era con le RAF (Rote Armée-Fraktion, angue appellate 
in alcun paises Le Liga Baader-Meinhof). Illes comenciava con scopos 
totalmente politic, ma pro finantiar le programma on debeva usar 
methodos criminal e criminales ganiava le primatia in le movimento.

Il es un del pessime condamnationes a un humano civil cader in un 
situation ubi su pais es occupate, nam lo plus logic es crear 
maximalmente quiete circumstantias pro se ipse e su familia, e isto pote 
per cata simple criminal esser comprendite como "collaboration con le 
inimico". In toto le occupation es multo practic pro le criminales, nam 
omne cosas de destruction e sabotage subito es bon. Furer e occider es 
subito multo laudabile actiones.

Nota pro exemplo que il ha multissime chechenes vivente in Russia qui 
non vole alque altere que viver quietemente, sin pavor, ma il ha 
sufficemente de criminales qui rende isto impossibile, e cata honeste 
chechen debe suffrer pro le mal actiones de su compatriotas criminal, e 
le population in general non vide le differentia inter honorabile 
chechenes e tal criminales.

Il es anque possibile que paises pote utilisar demonstrantes qui crea 
disordine in altere paises. Naturalmente le paises nunquam va confessar 
isto. In isto le usate "manifestantes" functiona como piratos del 
seculos passate.

Kjell R