STAN MULAIK wrote:

> Tu dice que le themas del fascismo e le naziismo relevar se hodie in Italia?
> Io recentemente ha vidite un programma in le television super le rolo
> del anthropologos in le naziismo in dar su religion paganistic alcun
> appoio "scientific".

Il pote esser interessante leger bibliographias in
re litteratura de parve
linguas. Isto ego faceva ante alcun annos et
videva alora que alcun del plus
luminose recerca in le lingua sami (lapon) era
facite in Germania in 1941! Assi
que in 1941 sedeva alcun professor in Leipzig,
Jena o que sape ego et recercava
le lingua del samis!

Assi scribe mi encyclopedia del Aryanos:
Aryanos (del sanskrit _arya_ nobile, preciose, un
nomine de honor a ille
populos de linguas indo-europee les qual in le
annos 2000 ante le era commun
invadeva le nord de India e Iran. In nostre
tempore on usa le parola _aryano_
pri ille personas in India qui parla linguas indoeuropee.

"In le ideologia nazi le termino _aryano_ habeva
un signification de politica
racial e se refereva ante toto a personas
non-judee ante toto de origine
germanic. Le fundo era le idea que le parlatores
de linguas germanic
appertinerea a un racia superior. Le argumentation
"scientific" detra iste
theoria racial es false viste que illo face un
mixtura de material de
verification religiose, linguistic e antropologic."

Mi proprie comentarios: Multes del nazis admirava
le Vikings e si ego me non
equivoca Göring habeva facite alcun edificio in
tendentia vikingesc, Karinhall!

Le mythologia del Vikings ha attingite a nos via
le sagas ("dictiones",
"dicturas" sensu stricto "narrationes", "fabulas"
de Islandia, ubi Snorri
Sturlason (ego ha etiam vidite le scriptura
Sturluson - que pote esser un forma
hypercorrecte) (significa "le filo de Sturla" nonobstante).

Iste mythologia es multo interessante.
Specialmente a me place le Havamal (Le
locutiones del Supremo, Ódin) un specie de
_Proverbios_ pagan.

Como:
Non es si bon que bon dicite
le birra del gente human.
Le plus tu bibe le minus tu sape
ubi se porta tu ration.

O in version curte:
Le via a un amico es sempre le plus curte. Al
inimico mesmo le plus curte via
es longe.

O:
Non mangia plus que tu non pote mangiar ancora
tanto! Il es un pesta haber un
invitato qui solmente mangia e non participa in le
amicabile conversation.

Le nazis appropriava toto isto in lor proprie
maniera, infelicemente.

Cellus