Il non es importante esser de accordo perque cata uno debe haber su opinion
e, in le curso de un debatto, intertanto le ideas resta de ille que los
expone.
Forsan al fin nos potera concordar in alcun punctos, ma nos non debe
expectar nos multo plus de isto e in iste modo le debatto deveni varie e
interessante.
Le concordar totos in un unic idea es, al fin, le aspecto minus interessante
del question. Pro dicer le mesme cosa in le campo que tu demonstra de
appreciar multo, il es importante que al fin nos ha fiducia in le Patre
Eterne e il non es importante de ubi nos parte e in qual position nos resta,
perque necuno, per principio, deberea conducer le debatto con le objectivo
de facer cambiar fide a necuno. Io es certe que iste opinion es anque tue.
In particular re tu message io observa hic subtus:


>From: Jay Bowks <[log in to unmask]>
>Subject: Re: Respectar tote le linguas
>Date: Sat, 20 Jan 2001 01:29:48 -0500
>
>Bellemente dicite, Mario,
>Io apprecia tu punco de vista plus de que io lo face
>sapite hic al lista.
>
>Il es mi opinion que con plus comprension de altere
>culturas hic in le Statos, le necessitate pro un
>fundation interlinguistic crescera.

Io non proba le sensation que in le Statos on face un preclusion al alteres
culturas, alteremente io non comprenderea le affluxos del statouniteses in
Italia, como le necessitate de facer del horribile copias de nostre
monumentos in le Statos. Ma io ha considerate solmente duo aspectos multo
evidente, ma obviemente non essential.
Illo que es cultura ver ha un belle e valide organisation in le Statos,
anque perque on possede le medios financiari pro facer isto con plus
facilitate. Vide qui faceva nascer e donava al mundo Interlingua, per
exemplo.
De un latere nos ha le linguas e le religiones e de multe altere lateres nos
ha multe aspectos del vita politic.
Ora un societate, ubicunque illo sia, debe necessarimente privilegiar le
aspectos politic. Il non ha solutiones diverse, si nos non perseque utopias.
E isto es un situation in general. Tu pensa que a minus de 50 kilometros de
mi Treviso, in nostre provincia, nos ha, per exemplo, un communitate de
cimbros le quales con lor lingua original vive inter nos ab le epocha del
Republica de Venetia (circa 1,500), o tu pensa a iste realitate politic que
era Venetia in le qual le presentia del altere culturas era considerate
fundamental pro le exercitio del affaires e era considerate necessari gauder
del libere commercio in reciprocitate al estraniero con bases commerciales
venetian, ubicunque le Republica habeva interesses permanente.

>Anglese es
>nunc de facto le fundation le plus estabile del
>expressiones e vocabulos commun a le varie
>linguas del Occidente. Pro medio de anglese
>on conduce negotios e se fomenta le focos pro
>le recercas scientific.

Iste realitate de facto es un del melior avantages que nos ha consequite in
iste annos e considerar que in tote le mundo nos ha un sol lingua de
referentia pro omne le aspectos que es importante il non deberea
absolutemente provocar in nos sentimentos contrari al esser felice e
ficuciose de iste resultato.
Il non es le lingua que produce anque e necessarimente suprematia del typo
que io lege multe personas que lo time. Perque isto? Il serea como dicer que
ab le momento que in uno qualcunque del linguas romance nos trova un grande
ereditate de latino e greco, nos timerea le suprematia del latino. Le
exemplo es absurde, ma illo es al mesme nivello del pavor del anglese. Io
non trova differentia anque si io considera le differentia intra un lingua
vive e uno morte.
E pro me, ben veni le anglese e isto pro le mesme anglese, in ultra a
avantage pro interlingua. Si nos pensa que interlingua aperi al linguas
romance, nos deberea haber dicite toto.

>Forsan nostre amate Interlingua devenira plus
>hispanic/Iberic e minus latinic, e minus franchista,
>si le population de hereditage hispanic se senti
>plus forte in le lingua del Statos Unite.

Forsan, ma pro me isto non serea un problema. Justo heri mi assistente de
anglese, al qual io donava le grammatica-dictionario per Castellina, me
diceva: Ora io comprende. Quando tu parla anglese tu non usa anque terminos
de espaniol, tu face un belle mixtura con tu interlingua!
E il sera ver, perque io evita de parlar de mi spontaneitate le anglese,
perque io non es secur con iste lingua, ma si io debe facer lo, alora io
debe parlar lo. Le problema es que io saperea le terminos, ma pro le manco
de practica, io non los recorda quando il servi. Qual es alora mi solution?
Simple: un belle recurso a Interlingua, cosa que io jam face sin render me
conto de facer lo.
Ancora un vice isto dice que un lingua es practica e solmente practica, assi
si in le vita quotidian se presenta situationes de bilinguismo, il non
existe solutiones, ni politic, ni de altere natura, le bilinquismo deveni un
realitate. Ille qui vole probar isto veni a Treviso e lo constatara in le
quotidian. Usa nos in prevalentia le dialecto? Si! Ma con un velocitate de
adaptamento al interlocutor que resultara surprendente. Obviemente in
general.

>Alcunos
>jam hic in le Statos time le influentia del lingua
>espaniol. E in alcun Statos il ha nunc nove leges
>que dice que omne materiales e textos preparate
>per le functionamento del governo debe esser
>publicate in anglese... e in alcun casos solo in
>anglese e non un varietate de linguas estranier.
>Isto es regrettabile, claro. Le senso xenophobic
>forsan crescera in le futuro.

Io non lo definerea senso xenophobic, ma simplemente fructo de un isolamento
que torna a esser supponite al effectos de nove presentias. Qui es le
statuoniteses hodie si non le consequentia de un sequentia de emigrationes?
Si le elemento de emigration deveni quantitativemente determinante pro un
sol lingua, como in le caso del espaniol, e si le ispanos ha un lor forte
sentimento de unitate cultural, il non existera divietos o leges, le
bilinguismo sera assicurate.

>Ma un del rationes pro abonar me a iste lista
>es apprender in re le punctos de vista de
>alteres. E si io con le expresion de mi proprie
>puncto de vista enoia alcunos, io peti mil
>excusas pro que io vole insultar a necuno
>con mi preferentias linguistic o alia.
>
>E assi como sempre in un spirito amical,
>
>Con salutes,
>Jay B.

Nos es de accordo in le libertate de abonar se e de valutar sempre le puntos
de vista del alteres, como le mie, al par nivello, obviemente.
Pro illes qui se enoia, nos debe facer como si illes non existe.
Ni io, ni tu, io es certe, vole insultar necuno pro principio.

Ciao,

Mario Malaguti


_________________________________________________________________________
Get Your Private, Free E-mail from MSN Hotmail at http://www.hotmail.com.