From: Paolo Castellina <[log in to unmask]>
>Io exhorta sr. Bowks

Multo interessante que nunc io es appellate "sr. Bowks"
ma in le conversationes del IL_STRAT le insultos era
legion... ma al caso de tu commentario, Paolo...

>a abstiner se de appellar "pagan" le
>doctrina del Sancte Trinitate

Le idea del trinitate non es sancte in mi opinion
e le Biblia nunquam mentiona le termino, io refusa
poner un titulo de respecto a un doctrina que non
respecta le individualitate del Deo Omnipotente!

Ubi se trova le parola "trinitate" in le Biblia?
In qual libro, capitulo, e in qual verso?

>usque quando ille proba nos
>que illo es vermente pagan.

Facilemente provate, Paolo, le Biblia NUNQUAM
mentiona ille termino, ma le populos paganos del
antiquitate habeva trinitates divin. Isto es un facto
facile de confirmar!

>Io le exhorta a monstrar un
>libro o un scripto scribite per
>un "pagano", un ver pagano,


Facile! Constantino in Nicea, ille non esseva
un christiano. Ille non esseva baptisate como tal
usque secun le historia ille esseva al lecto de morte.
Si tu vole creder expertos in le Ecclesia Antique
Henry Chadwick dice in su "The Early Church"
"Constantino como su patre, adorava le Sol Invicte"
"su conversion non deberea interpretar se como un
experientia interne del gratia"
"Il esseva un affaire militar. Ille nunquam comprendeva
multo clarmente le doctrina"

Que faceva ille Imperator pagan in cargo de un Concilio
in Nicea? Le Encyclopaedia Britannica dice isto:
Constantino mesme presideva e dirigeva activemente
le discussiones y personalmente proponiva le
formula decisive que expressava le relation de Christo
con Deo in le credo que le concilio emitteva."
Iste mesme encyclopedia dice que solmente duo del
episcopos refusava affixar su nomines ma que un
grande quantitate de illos lo faceva pro temor del
poter del Imperator.

Tunc, Paolo tu demanda es respondite e nunc io te
peti responder mi dece-sex questiones previe.

>cuje conception del Trinitate
>concorda con lo que es
>inseniate per le theologia christian orthodoxe.

Si tu vole dicer con isso de "theologia christian
orthodoxe" como io explicava e demonstrava
in alto illo es un Orthodoxia PAGAN e non christian!
Acceptalo como tal, le historia non dice mendacios.

Responde me al dece-sex punctos que io proponeva
pro discussion e tunc io te inviara mi responsas a iste
falsitates que tu mentiona hic infra.

Sincermente,
Jay B.


>Alcun inter le plus obvie probas del veritate biblic del
>Sancte Trinitate es:
>1) Le Biblia insenia que il ha solmente un sol Deo.
>Inseniamentos eterodoxe como illos del Societate del Turre
>de Guarda dice que Jesus es "un deo" distincte e separate
>del Patre. Ille dice que le Patre creava le Filio. Isto es
>un clar violation del Biblia. Inseniar que il ha plus que
>un Deo (un Deo "grande" e un deo "parve") es un doctrina
>pagan (isto si), appellate "polytheismo" (Vide De. 4:35;
>6:4; Is. 43:10,11; 44:6,8; 45:5,14,18,21,22; 46:9; Jac.
>2:19; Juda 24:25).
>2) Le Biblia prohibi al homine de adorar (coler) qualcunque
>si-dicite deo excepte Deo. Exodo 20:1-5 e Deut. 5:6-9 ambe
>declara isto multo clarmente. In Isaiah 45:23 Deo
>dice: "Ante  me omne genu se plicara". Pois, in
>Philippenses 2:10 Ille dice: "al nomine de Jesus omne genu
>se plicara". Si omne genu se plicara e si Jesus non es Deo,
>alora le Patre hic commanda nos de infringer Su mesme lege.
>Ille tamen non lo facerea unquam. Hebreos 1:6 dice nos que
>quando Jesus esseva un infante, le angelos le adorava.
>Anque homines adorava le infante Jesus. On non pote dicer,
>como alicuno dice, que a Jesus e date honor
>como "representante de Deo". Mesmo le paganos, quando se
>flecte ante un petra o a un deo de ligno, illes dice que
>illes non adora le idolo, ma le deo representate per ille
>idolo. Cata vice in le qual le Biblia dice que Jesus esseva
>adorate, o colite (> culto) le Societate del Turre de
>Guarda cambia le parola "adorar" con qualcosa
>como "honorar", durante que in greco illo es le mesme
>parola. Deo prohibi al homine de adorar o de plicar /
>flecter se a altere personas o cosas differente de Se ipse.
>Durante que Deo commanda al homine de adorar Jesus, alora
>Jesus debe esser Deo rendite Se homine.
>3) Jesus es recognoscite como Deo. In Actos 10:25,26 Petro
>e le angelos refusa de adorar homines. Tamen, quando Thomas
>adora Jesus (Joh. 20:28), Jesus lauda Thomas. Vide also
>Hebreos 1:8.
>Deuteronomio 10:17, Apocalypse 17:14 e 10:11: totes cita le
>Senior del seniores. Le passages de Apocalypse parla in re
>Jesus Christo. Zacharia 14:9,17 se refere al regno
>millennial quando Jesus essera le Rege. Totes debera adorar
>le Rege, le qual es Jesus Christo.
>Uno del versos plus clar es Isaiah 9:6, que dice: "Proque
>pro nos nasceva un infante, nos esseva date un filio; e le
>governamento essera super su spatulas; e su nomine essera
>appellate Meraviliose, Consiliero, le Deo potente, le Patre
>eterne [litt. le Patre del eternitate], le Prince del
>pace". Iste versos se refere a Jesus Christo. Ubi in le
>Biblia il es scribite que Jesus deveniva un Patre per haber
>un filio litteral? Ubi il es scribite que Deo deveniva
>granpatre quando Jesus habeva Su Filio? Nos essera preste a
>discuter in ultra super le Sancte Trinitate quando tu
>respondera a iste questiones.
>Altere referentias que proba que Jesus es Deo es: Isaiah
>41:4; 44:6, e 48:12, copulate con Apocalypse 1:11; 1:17, e
>22:13. Jehovah Deo es appellatee "le prime e le ultime"
>o "le alpha e le omega", Ergo Jesus debe esser Deo.
>Johannes 5:23 dice nos que tote le homines debe honorar le
>Filio in le mesme maniera que illes honora le Patre. In
>Johannes 10:28, Jesus dice que Ille da vita eterne. Pro
>poter dar vita eterne, Ille debe haber vita eterne in Se
>mesme. Vide alsi Johannes 4:6; 17:2; e 20:31.