Io es un del original membros de iste lista. Io nota que nos vole facer
iste lista servir solmente le practica de interlingua.

Mais vice post vice io ha vidite que quando alcuno face un error o
usa un parola in un maniera non familiar o mesmo incorrectemente,
alcuno va questionar le, e un altere rondo de discussion errumpera
super le grammatica, le etymologia, etc.  Illo pare inevitabile. E
isto frequentemente occurre quando novicios junge le lista e
le veteranos face criticas.  E le novicios frequentemente ha
questiones super le grammatica e proque certe aspectos del
grammatica ha un certe forma o manco.  E isto produce plus
discussiones super isto.

Possibilemente nostre instructiones inviate automaticamente del
listserv a un nove membro pote continer instructiones como a
junger "coollist" tal que ille pote participar in tal discussiones
del theoria e practica de interlingua,  Assi quando il pare que
un discussion del etymologia, grammatica, vocabulario pare a
initiar se, alcuno pote dicer "va a coollist" e tote le mundo va
saper como a facer lo.

De plus tal instructiones debe dicer clarmente e explicitemente
que on debe usar interlingua in iste lista o sia excludite.  De plus
illo non es pro le recrutamento de adherentes a un altere systema
altere que le systema de interlingua de IALA/Gode. (Isto non
exclude le duple traductiones inter interlingua e altere linguas).

E con respecto a certe gentes offensive e insultante, ignora les!
Illes gaudia tu responsa e le facto que tu attende a illes mesmo
pro attaccar les. Isto reinfortia lor credo que illes es victimas
de un mundo hostil que infla lor senso de misericordia e pietate
in se mesme. E illes va provocar le attaccos plus pro obtenir plus.
Per isto io refere a attaccos super lor persona, "ad hominem" e non
super lor ideas o assertiones.  Evita attaccos "ad hominem".

Stan Mulaik