Emerson S Costa wrote:
> 
> LE DIPLOMAS DEVENI EUROPEE
> 
> Super le base de un accordo attingite con le Consilio, le Parlamento ha
> approbate un directiva super le recognoscentia del diplomas professional. Es un
> providentia visante a eliminar le obstaculos al libere circulation del personas,
> in particular in le artisanato migrante, ubi esseva plus difficile demonstrar le
> proprie qualificationes.
> 
> Secundo le jurisprudentia del Corte de Justitia, le Stato Membro hoste poteva,
> usque hodie, imponer al candidatos un periodo de trainamento (usque tres annos)
> o un test aptitudinal. Gratias al nove normativa, in vice, essera le interessato
> a selectionar inter le trainamento e le test, evitante le application de
> eventual mesuras protectionistic.
> 
> In le base del proposition del Consilio, totevia, pro le travaliatores autonome
> o le dirigentes de interprisa, in via exceptional, le selection poteva ancora
> corresponder al Stato Membro. Le Parlamento, in sede de conciliation, ha
> obtenite un restriction de iste exception, que se applica solo si le activitates
> professional exige le cognoscentia e le application de regulas national
> specific.
> 
> Pro garantir le paritate de tractamento, le texto precisa que le mesme
> conditiones es previste pro le residentes al exterior. Le Statos Membros debera,
> in ultra, tener conto del preferentias del candidato.
> 
> Durante le debatto, Gérhard Caudron (PSE-F) ha declarate que le normativa mitte
> finalmente in vigor le principio del libere circulation del travaliatores, usque
> ora affirmate in theoria, ma non realizate in le practica. Del mesme opinion se
> ha dicite Kurt Malangré (PPE-D), secundo le qual esserea un farsa proclamar le
> libere circulation del travaliatores sin, pois, consentir le possibilitate real
> de disveloppar le proprie profession al exterior.
> 
> In nomine del Commission, in fin, Manuel Marin se ha congratulate pro le
> resultatos attingite, que constitue un notabile passo avante in le solution de
> illo que habeva, ja, devenite un problema longeve.
> ---
> Ensjo.
Lo que le paises debe facer es facer un description de cata possibile typo de
profession e traducer lo in omne le linguas official del union.

Ma un medico - non recercator - qui vole laborar in Svedia debe facer un
special curso de svedese ante que ille pote esser permittite communicar con le
patientes. Le sol medicos (doctores) qui non debe facer isto es medicos del
paises Nordic (Danmark, Finlandia, Islandia, Norvegia). 

Quanto a scholas il ha un formidabile jungla de terminos in le paises del
union. In nostre schola fundamental nos ha tres stadios (nivellos): basse,
intermediari e superior. In altere paises il ha _scholas_ intermediari que in
turno es nostre _gymnasios_ le quales in le presente systema comprende toto,
programmas theoretic e practic (vocational, professional). E un schola
superior es equal a un universitate (e non del toto un american _highschool_).
E pro un svedese de comprender que es un francese _schola normal superior_ non
es facile. Io suppone que isto etiam es a par con un universitate....

Pro non parlar del grado academic de _doctor_!